رەجيسسەر تۇردىبەك مايدان.

تۇردىبەك مايدان. قازاق كينو ونەرىنىڭ جالىنداپ كەلە جاتقان جاس تۇلپارىنىڭ ءبىرى. 1999-2001 جىلدارى قىتايدىڭ ءشاندۇڭ ولكەسىندەگى حىزى قالاسىندا كوركەم سۋرەت كوللەدجىن وقىعان. 2005-2010 جىلدارى الماتى قالاسىنداعى ت. جۇرگەنوۆ اتىنداعى ونەر اكادەمياسىندا «انيماتسيا رەجيسسۋراسى» ماماندىعى بويىنشا ءبىلىم العان.

تالانتتى جاس بارىمىزگە بەلگىلى «مۇزبالاق» ءمۋلتفيلمىنىڭ، «بالاپان» ارناسىنداعى «اق قۇس»، «ۇكىلى اۋەن» سەكىلدى بالالار سەريالى مەن ءتۇرلى انيماتسيالىق جوبالاردىڭ رەجيسسەرى.

وكىنىشكە وراي وسى ءبىر دارىندى پەرزەنتىمىز سوزىلمالى اق قان دەرتىنە شالدىعىپ، ەكى جىلدان بەرى ەم الىپ جاتقان بولاتىن. الايدا وسى ۋاقىتقا دەيىن العان ەمى تولىق ناتيجەسىن بەرمەي، اۋرۋى اسقىنىپ بارادى. ماماندار ەندى جەدەل شەتەلدە ەمدەلمەسە بولمايتىنىن ايتىپ وتىر. ونىڭ جولدارى دا قاراستىرىلىپ جاتىر. دەگەنمەن وعان قىرۋار قارجى كەتەتىنى بارىمىزگە ايان.

كاسپي گولد: 8 747 413 93 69 گۇلميرا ق.

قادىرلى اعايىن! ارداقتى ازاماتتىڭ اۋىرۋىنان ايىعىپ كەتۋىنە كوپ بولىپ كومەكتەسسەك! ءار قازاق مۇمكىندىگىنشە جاردەم ەتسەك، ازاماتىمىز كوپتىڭ تىلەگىمەن تەزىرەك ساقايىپ، ارمانىنىڭ اقبوزىنا قايتا مىنسە دەگەن تىلەكتەمىز.  

تۇردىبەك از عانا جىلدا قازاق انيماتسيا ونەرىنە وزىندىك ورنەك سالىپ ۇلگەرگەن تالانتتى مۋلتيپليكاتور. ول جاساعان «مۇزبالاق» ءفيلمى «قارلىعاشتىڭ قۇيرىعى نەگە ايىر» انيماتسيالىق فيلمىنەن 50 جىلدان سوڭ انيماتسيا اتالىمى بويىنشا حالىقارالىق فەستيۆالدىڭ گران-پري جۇلدەسىن العان ەدى. «مۇزبالاق» اراعا جارتى عاسىر سالىپ ءبىر ەمەس، التى دۇركىن حالىقارالىق فەستيۆالدىڭ باس جۇلدەسىن قازاقستان قورجىنىنا سالعان ايرىقشا كينو تۋىندى بولدى. قازىر دە سول اتالعان فيلم سەكىلدى «التىن ادام» انيماتسيالىق ءفيلمىن جاساپ جاتقان بىلىكتى ازاماتتىڭ تەزىرەك ساۋىعىپ كەتۋىنە بارشاڭىز ات سالىسار دەگەن ۇمىتتەمىز.

The Qazaq Times