Resey men Ukraina bir-birin soğıs qılmısı boyınşa ayıptap jatır. Resey Qorğanıs ministrligi mälimdeme jasap, Buçada beybit twrğındardı ayausız qırğındau boyınşa Ukrainanıñ ayıbın joqqa şığardı jäne bwnı arandatuşılıq dep atadı. Al, amerikalıq telearnağa bergen swhbatında Ukraina prezidenti orıs äskerleri Kive mañında da beybit twrğındardı ayausız öltirgenin aytqan.

Resey Qorğanıs ministrligi mälimdemesinde Kiev äkimşiliginiñ Buçada jariyalağan foto suretteri men beyne jazbalardı arandatu maqsatındağı jalğan aqparat dep bağalağan. Atalğan eldimeken reseylik äskerlerdiñ baqılauında twrğan kezinde birde bir oblıs twrğını zorlıq-zombılıqqa wşıramağadı dep mälimdegen.

Ukraina tarabı Reseydi Buça jerinde soğıs qılmısın jasap, beybit twrğındardı qırğındadı degen ayıptauına qaramastan, Resey resmi mälimdesinde Buça twrğındarınıñ erkin qozğalısına şekteu qoyılmağanı, evakuaciyağa mümkindik bergenderin alğa tarttı. Mäskeu öz mälimdemesinde Ukrainanı ayıptap, Buçanıñ oñtüstigindegi audandardı, äsirese twrğındar qonıstanğan aumaqtı bombalağan dep körsetti.

Resey mälimdemesinde Ukrainamen Türkiyadağı kelissözden keyin, 30 naurızda Buçadan öziniñ qarulı küşterin tolığımen şegindirip ketkenin alğa tartqan. 31 naurızda qalanıñ meri reseylik äskerilerdiñ joq ekenin rastağan bolatın.

Qazir, Mäskeu men Kiev bir-birin soğıs qılmısımen ayıptap jatır. Är eki tarap ta qarsı jaqtıñ uäjderin arandatu men jalğan aqparat retinde qaraydı.

 

The Qazaq Times