![](https://qazaqtimes.com/kk/content/uploads/2022/03/0021-8-800x480.png?token=1a70d323eea96312e4cff4544817ef30)
Tolassız atıs bolıp jatqan Ukrainanıñ Zaporoj'e obılsındağı Atom elektr stanciyasında ört şıqtı. Qazir atıs toqtalılıp, ört öşiruge kirisip jatqanın Energodar qalasınıñ meri Dmitriy Orlov mälimdedi. Zaporoj'edegi AES Europadağı eñ iri stanciya bolıp sanaladı.
Energodar mañında swrapıl atıstıñ bolıp jatqanı turalı qala meri bir kün bwrın da mälimdeme jasap, AES-tiñ qauipsizdigine qatıstı alañdauşılıq bildirgen. Sol küni reseylik tankter qalağa kirip, AES-ti özi baqılauına aluğa küş salğanı aytıladı. Jwma küni AES mañındağı ğimarattar toqtausız atqılaudan örtke oranğanı mälim boldı.
Resey küşteri AES-ke bağıttap oq atqanı turalı mälimetterdi stanciya qızmetkerleri äleumettik jelilerge jazğan, keybiri videolarmen de bölisken. Al, Ukraina SİM basşısı Dmitriy Kuleba «Tvitter» paraqşasına: «Resey armiyası Europadağı eñ iri AES-ke är taraptan oq atıp jatır», – jazdı.
Mälimetterge qarağanda, oq atısu stanciya mañındağı örtti söndiruge ülken kedergi keltirude.