Qazaqstandağı auruhanalarda qañtardağı qaqtığıstarda zardap şekken tağı eki adam köz jwmdı, dep habarladı densaulıq saqtau ministri Ajar Ğiniyat. Bwl turalı Ortalıq Aziya jañalıqtar qızmeti jazdı.

"Medicinalıq wyımdarda 177 nauqas qaytıs boldı", – dedi Ğiniyat 18 qañtarda.

Bwnıñ aldında densaulıq saqtau ministrligi medicinalıq mekemelerde qaqtığıstar barısında zardap şekken 175 adam qaytıs bolğanın habarlağan.

Bas prokuraturanıñ 15 qañtardağı mälimetinşe, mäyithanalarğa 225 adamnıñ mäyiti tüsken.

Densaulıq saqtau ministrliginiñ habarlauınşa, "elde terroristik şabuıl bastalğalı 2739 adam medicinalıq kömekke jügingen".

Stacionarda 200 adam emdelip jatır, 14 nauqastıñ jağdayı auır, dep habarladı densaulıq saqtau ministrligi.

Bwğan deyin habarlanğanday, Qazaqstandağı eñ iri Almatı qalasında narazılıq kezinde 149 azamat jäne qwqıq qorğau organdarınıñ 11 ökili köz jwmğan.