قازاقستانداعى اۋرۋحانالاردا قاڭتارداعى قاقتىعىستاردا زارداپ شەككەن تاعى ەكى ادام كوز جۇمدى، دەپ حابارلادى دەنساۋلىق ساقتاۋ ءمينيسترى اجار عينيات. بۇل تۋرالى ورتالىق ازيا جاڭالىقتار قىزمەتى جازدى.

"مەديتسينالىق ۇيىمداردا 177 ناۋقاس قايتىس بولدى", – دەدى عينيات 18 قاڭتاردا.

بۇنىڭ الدىندا دەنساۋلىق ساقتاۋ مينيسترلىگى مەديتسينالىق مەكەمەلەردە قاقتىعىستار بارىسىندا زارداپ شەككەن 175 ادام قايتىس بولعانىن حابارلاعان.

باس پروكۋراتۋرانىڭ 15 قاڭتارداعى مالىمەتىنشە، مايىتحانالارعا 225 ادامنىڭ ءمايىتى تۇسكەن.

دەنساۋلىق ساقتاۋ مينيسترلىگىنىڭ حابارلاۋىنشا، "ەلدە تەرروريستىك شابۋىل باستالعالى 2739 ادام مەديتسينالىق كومەككە جۇگىنگەن".

ستاتسيوناردا 200 ادام ەمدەلىپ جاتىر، 14 ناۋقاستىڭ جاعدايى اۋىر، دەپ حابارلادى دەنساۋلىق ساقتاۋ مينيسترلىگى.

بۇعان دەيىن حابارلانعانداي، قازاقستانداعى ەڭ ءىرى الماتى قالاسىندا نارازىلىق كەزىندە 149 ازامات جانە قۇقىق قورعاۋ ورگاندارىنىڭ 11 وكىلى كوز جۇمعان.