Jurnalist äri azamattıq belsendiler Äsem Jäpişeva men Bella Orınbet qañtar oqiğasında qaza tapqandardıñ atı-jönin jariyalaudı talap etip, peticiya wyımdastırdı. Sonday-aq peticiya wyımdastıruşıları ükimetten japa şekkenderdiñ otbasına kömek berudi talap etti. Bwl turalı malim.kz mälimdedi.

«Qañtardağı qayğılı oqiğa barısında, resmi aqparat boyınşa, äskeri qızmetkerlermen qosa, beybit halıq tarapınan 225 adam qaza taptı. Biz, Qazaqstan halqı, osı auır künderde el basına tüsken qayğını böliskimiz keledi. Biraq 225 cifrdı emes, 225 qaza tapqan adamdı joqtap, qayğı jwtqan otbasınıñ qasiretin bölisip, kömekteskimiz keledi.

Osığan baylanıstı alasapıran qañtar künderi qaza tapqan 225 adamnıñ jäne iz-tüzsiz joğalıp ketken adamdardıñ atı-jönin jariyalauıñızdı talap etemiz. Bwl cifr köbeyui äbden mümkin, sebebi qazirgi uaqıtta habar-oşarsız ketken, auruhanada hal üstinde jatqan adamdar esepke kirgen joq.  Sondıqtan 225 sanı biliktiñ jariya etken qatıp qalğan statistikasına aynalmauı kerek. "Biz birgemiz" missiyası qwr wran türinde qalmauğa tiis, sondıqtan «Qazaqstan halqına» qoğamdıq äleumettik qorınıñ qarajatı esebinen osı qaza tapqan beybit twrğındardıñ otbasılarına materialdıq kömek audarudı talap etemiz».

Peticiyağa qol qoyuğa niettiler üşin arnayı silteme dayındalğan.

Eske sala keteyik, 15 qañtarda Bas prokuratura oqiğa kezinde 225 adam qaza tapqanın, onıñ 19-ı — äskeriler ekenin ayttı. 4,5 mıñday adam zardap şekken.