Qazirgi geosayasi jağdaylardıñ twrğısınan alğanda qañtar ayında ötkeli twrğan AQŞ pen Resey arasındağı kelissözdiñ mañızı ayrıqşa. Bwnda Uaşington men Mäskeu yadrolıq qarudı baqılau jäne Ukarina mäselesi, NATO-nı äreketi sekildi özekti taqırıptardı talqılaydı. Kelisimge kelu-kelmey qazirgi geosayasi şielenisten şığu-şıqpaudı belgilemek.

Aq üy taratqan mälimette kezdesudiñ uaqıtı twraqtanğan, taraptar 10 qañtardı belgilesken. Mäskeu NATO müşelerimen bölek otırıp söylesetinin aytqan, bwl kezdesu 12 qañtarğa qoyılğan.  Al, 13-i küni Resey, AQŞ jäne Europadağı Qauipsizdik jäne Intımaqtastıq Wyımına müşe basqa elderdiñ otırısı ötedi.

Kelissöz turalı mälimet bergen AQŞ Wlttıq qauipsizdik keñesiniñ resmi ökili kelissözde taraptar bir-birine qatıstı öz alañdauşılıqtarın, talaptarın aşıq ortağa salatının ayttı. Eger taraptar qandayda bir kelisimge kelip jatsa bwl tarihi kelisimniñ birine aynalıp qaluı da ğajap emes, üytetini qazirgi Europanıñ şığısındağı jağday säl qalt etse tarihi özgeristerge aunap tüsudiñ aldında ğana twn.

Aq üy baspasöz ökili bolsa AQŞ pen Reseydiñ kelissözi eşqanday da Ukraina tağdırın sırtınan şeşu emes dep qosımşaladı. Bayden Ukrainağa qatıstı qoldauın, wstanımın kelissöz aldında tağı bir iret naqtılap körsetuge tırısıp jatqanğa wqsaydı. Aldağı kelissöz tağdarı da qazirgi taraptardıñ kezektesken qadamdarına da qatıstı boladı.

The Qazaq Times