قازىرگى گەوساياسي جاعدايلاردىڭ تۇرعىسىنان العاندا قاڭتار ايىندا وتكەلى تۇرعان اقش پەن رەسەي اراسىنداعى كەلىسسوزدىڭ ماڭىزى ايرىقشا. بۇندا ۋاشينگتون مەن ماسكەۋ يادرولىق قارۋدى باقىلاۋ جانە ۋكارينا ماسەلەسى، ناتو-نى ارەكەتى سەكىلدى وزەكتى تاقىرىپتاردى تالقىلايدى. كەلىسىمگە كەلۋ-كەلمەي قازىرگى گەوساياسي شيەلەنىستەن شىعۋ-شىقپاۋدى بەلگىلەمەك.

اق ءۇي تاراتقان مالىمەتتە كەزدەسۋدىڭ ۋاقىتى تۇراقتانعان، تاراپتار 10 قاڭتاردى بەلگىلەسكەن. ماسكەۋ ناتو مۇشەلەرىمەن بولەك وتىرىپ سويلەسەتىنىن ايتقان، بۇل كەزدەسۋ 12 قاڭتارعا قويىلعان.  ال، 13-ءى كۇنى رەسەي، اقش جانە ەۋروپاداعى قاۋىپسىزدىك جانە ىنتىماقتاستىق ۇيىمىنا مۇشە باسقا ەلدەردىڭ وتىرىسى وتەدى.

كەلىسسوز تۋرالى مالىمەت بەرگەن اقش ۇلتتىق قاۋىپسىزدىك كەڭەسىنىڭ رەسمي وكىلى كەلىسسوزدە تاراپتار ءبىر-بىرىنە قاتىستى ءوز الاڭداۋشىلىقتارىن، تالاپتارىن اشىق ورتاعا سالاتىنىن ايتتى. ەگەر تاراپتار قاندايدا ءبىر كەلىسىمگە كەلىپ جاتسا بۇل تاريحي كەلىسىمنىڭ بىرىنە اينالىپ قالۋى دا عاجاپ ەمەس، ۇيتەتىنى قازىرگى ەۋروپانىڭ شىعىسىنداعى جاعداي ءسال قالت ەتسە تاريحي وزگەرىستەرگە اۋناپ ءتۇسۋدىڭ الدىندا عانا تۇن.

اق ءۇي ءباسپاسوز وكىلى بولسا اقش پەن رەسەيدىڭ كەلىسسوزى ەشقانداي دا ۋكراينا تاعدىرىن سىرتىنان شەشۋ ەمەس دەپ قوسىمشالادى. بايدەن ۋكرايناعا قاتىستى قولداۋىن، ۇستانىمىن كەلىسسوز الدىندا تاعى ءبىر ىرەت ناقتىلاپ كورسەتۋگە تىرىسىپ جاتقانعا ۇقسايدى. الداعى كەلىسسوز تاعدارى دا قازىرگى تاراپتاردىڭ كەزەكتەسكەن قادامدارىنا دا قاتىستى بولادى.

The Qazaq Times