Foto: tengrinews.kz

Parlamenttiñ joğarğı palatası beysenbi küni ölim jazasın joyudı közdeytin Qılmıstıq kodekske engiziletin özgeristerdi maqwldadı dep jazdı Ortalıq Aziya Jañalıqtar qızmeti.

Zañ jobası Qazaqstan zañnamasınan "ölim jazası" degen wğımdı twtas alıp tastauğa mümkindik beredi, dedi bas prokurordıñ orınbasarı Äset Şıñdaliev.

Birinşi prezident Nwrswltan Nazarbaevtıñ ömirine qastandıq jasau babınan da ölim jazası tirkesi alınadı.

Bastapqıda Qılmıstıq kodekstiñ 13 babınan ölim jazasın alıp, törteuinde qaldıru josparlanğan. Atap aytqanda, joba avtorları ölim jazasın soğıs kezinde jasalğan erekşe auır qılmıstarğa qoldanudı wsınğan.

Qazaqstan prezidenti Qasım-Jomart Toqaev ötken ayda Bryussel'ge saparı qarsañında "ölim jazasın twtas alıp tastau qajettigin" mälimdegen. 8 jeltoqsanda mäjilis prezident wsınğan nwsqanı maqwldağan.

Bıltır qırküyek ayında Qazaqstannıñ Azamattıq jäne sayasi qwqıqtar turalı halıqaralıq paktiniñ ekinşi fakul'tativti hattamasına qosıluıjaylı tüsinikteme bergen prezident Toqaev "Konstituciyağa özgeris engizu qajet emes" dep aytqan. Qazaqstan Konstitucyasında ölim jazası äskeri qılmıstarğa qosa terrorlıq qılmıs jasağandarğa da qoldanılatını körsetilgen. Al halıqaralıq hattamada onday eskertpe jasauğa bolmaydı degen talap bar.

Zañ jobası endi prezidentke qol qoyuğa jiberiledi.

Qazaqstanda 2004 jıldan beri ölim jazasın orındauğa merzimsiz moratoriy jariyalanğan. Sodan beri elde keminde eki ret ölim jazası qoldanıldı.

Soñğı ret ölim jazası 2016 jılı şığarıldı. Osıdan şamamen tört jıl bwrın Almatıda policiya bölimi men WQK departamentine qarulı şabuıl jasalıp, saldarınan birneşe adam qaza tapqan edi. Şabuılğa küdikti retinde 1990 jılı tuğan, bwğan deyin eki ret sottalğan dep sipattalğan Ruslan Külekbaev wstalğan. Keyinirek Almatı sotı onı "terakt jasadı" dep tanıp, ölim jazasına kesken.

Qwqıq qorğauşılar bilikti birneşe ret ölim jazasın alıp tastauğa şaqırğan.