Ukraina qorğanıs ministri Reznikov. Foto: ICTV

Resey Ukrainağa şabuıl jasağan jağdayda, 5 million ukrainalıq bosqınğa aynaluı mümkin. Bwl turalı sol eldiñ qorğanıs ministri Aleksey Reznikov Politico basılımına bergen swhbatında mälimdedi.

Reznikovtıñ mälimetinşe, AQŞ prezidenti Jo Bayden men Resey prezidenti Vladimir Putinniñ onlayn sammiti öte salıp, Resey Ukraina şekarasındağı äskerlerin tipti de köbeyte tüsken. Qazir Ukrainağa jaqın şekarada Resey 100 mıñnan astam äskerin wstap twr.

Ukraina qorğanıs ministri swhbatında auqımdı basıp kiru bolğan jağdayda bwl äreket eki tarapqa da auır şığındar alıp keletinin, soñın jinastıru qiın bolğan dağdarısqa jol aşatının basa aytqan. Ol jäne qaqtığıs bolğan jağdayda Ukrainadan 5 million adam bosqınğa aynaluı mümkin ekenin jetkizgen.

Bwğan qosa Reznikov «Putinniñ soñğı nısanası Ukraina emes» dep eskertken.

The Qazaq Times