Иранның жыл басында сынақтан өткізген зениттік зымыраны. Фото: FN

Иран өзінің ядролық бағдарламалары шоғырланған Натанз қаласының үстінде зениттік зымыран ұшырды. Бұл туралы сол елдің мемлекеттік телеарналары хабар таратты.

Елдің мемлекеттік арналары хабарында, әуе қорғаныс күштері Натанз қаласының кеңістігінде жедел әрекет ету бойынша әуе қорғаныс жаттығуын жасап жатқанын айтқан.

Әлеуметтік желілерде жергілікті тұрғындар қатты жарылыс дауысын естігенін жазған. Иран қарулы күштерінің баспасөз өкілі Шаһин Тақихани мәлімдеме жасап: «Жаттығу толықтай қауіпсіз күйде өткізілді, алаңдауға негіз жоқ», – деп түсіндірген.

Дегенмен, елдегі кейбір ақпарат құралдары Натанз қаласында үлкен жарылыс болғанын хабарлаған еді, бірақ оқиғаға қатысты нақты түсінік беріліген жоқ.

Қарулы күштері әуе қорғаныс сынағы өткізілгені айтылғанымен, жергілікті тұрғындар әлеуметтік желіде жарылыс қаупінен алаңдаған пікірлерді де жазды.

The Qazaq Times