Atırau oblısınıñ Sağız auılındağı atısta bes adamğa oq tiip, bireui qaza bolğan. Policiya bwl auıldı bügin de baqılap twr. Bwl aqparattı Azattıqqa Atırau oblısı policiya departamentiniñ baspasöz qızmeti habarladı dep jazdı Ortalıq Aziya jañalıqtar qızmeti.

Resmi aqparatqa qarağanda, 30 qazan küni keşke Atırau oblısınıñ Qızıloqoğa audanı Sağız auılı janındağı Atırau-Aqtöbe tas jolınıñ boyında töbeles bolıp, oq atılğan. 5 adam jaralanıp, 1985 jılı tuğan azamat Sağız auılınıñ ambulatoriyasında qaytıs bolğan.

- Oqiğa ornında Atırau oblısı policiya departamentiniñ jedel tergeu tobı jwmıs istep jatır, Qılmıstıq kodekstiñ 99-babınıñ 2 böligi boyınşa ("Adam öltiru") boyınşa is qozğaldı,- deydi Atırau oblısı policiya departamentiniñ baspasöz qızmeti.

Policiya boljamına qarağanda "atısqa auıl adamdarınıñ arasındağı kikiljiñ sebep bolğan".

Atırau oblısı policiya departamentiniñ bastığı Qamza Ümbetqaliev resmi mälimdemesinde "Sağız auılında jağday twraqtı ekenin, twrğındar arasında jappay tolqu joq ekenin, policiya osı auılda küşeytilgen rejimde jwmıs istep jatqanın" aytqan.

The Qazaq Times