اتىراۋ وبلىسىنىڭ ساعىز اۋىلىنداعى اتىستا بەس ادامعا وق ءتيىپ، بىرەۋى قازا بولعان. پوليتسيا بۇل اۋىلدى بۇگىن دە باقىلاپ تۇر. بۇل اقپاراتتى ازاتتىققا اتىراۋ وبلىسى پوليتسيا دەپارتامەنتىنىڭ ءباسپاسوز قىزمەتى حابارلادى دەپ جازدى ورتالىق ازيا جاڭالىقتار قىزمەتى.

رەسمي اقپاراتقا قاراعاندا، 30 قازان كۇنى كەشكە اتىراۋ وبلىسىنىڭ قىزىلوقوعا اۋدانى ساعىز اۋىلى جانىنداعى اتىراۋ-اقتوبە تاس جولىنىڭ بويىندا توبەلەس بولىپ، وق اتىلعان. 5 ادام جارالانىپ، 1985 جىلى تۋعان ازامات ساعىز اۋىلىنىڭ امبۋلاتورياسىندا قايتىس بولعان.

- وقيعا ورنىندا اتىراۋ وبلىسى پوليتسيا دەپارتامەنتىنىڭ جەدەل تەرگەۋ توبى جۇمىس ىستەپ جاتىر، قىلمىستىق كودەكستىڭ 99-بابىنىڭ 2 بولىگى بويىنشا ("ادام ءولتىرۋ") بويىنشا ءىس قوزعالدى،- دەيدى اتىراۋ وبلىسى پوليتسيا دەپارتامەنتىنىڭ ءباسپاسوز قىزمەتى.

پوليتسيا بولجامىنا قاراعاندا "اتىسقا اۋىل ادامدارىنىڭ اراسىنداعى كيكىلجىڭ سەبەپ بولعان".

اتىراۋ وبلىسى پوليتسيا دەپارتامەنتىنىڭ باستىعى قامزا ۇمبەتقاليەۆ رەسمي مالىمدەمەسىندە "ساعىز اۋىلىندا جاعداي تۇراقتى ەكەنىن، تۇرعىندار اراسىندا جاپپاي تولقۋ جوق ەكەنىن، پوليتسيا وسى اۋىلدا كۇشەيتىلگەن رەجيمدە جۇمىس ىستەپ جاتقانىن" ايتقان.

The Qazaq Times