AQŞ-tıñ Federaldı Barlau qızmeti Resey oligarhına tiesili üy-jaylarğa tintu jürgizdi. Resey prezidenti Putinmen baylanıstı bar degen milliarder Oleg Deripaska 2018 jıldan beri AQŞ sankciyasına ilingen bolatın.

Deripaskanıñ resmi ökili aqparat qwraldarına bergen mälimetinde, milliarderdiñ jaqındarı ielik etetin Uaşington men N'yu-Yorktegi eki üyge tintu jürgizgen. FBQ qızmetkerleri bwl üşin sot şığarğan orderdiñ bar ekenin de körsetken. Barlau qızmetkerleriniñ Deripaskağa tiesili delingen Uaşingtondağı üyden qoraptardı köterip şığıp jatqan suretteri aqparat qwraldarına taradı.

Qazirşe FBI tarabı tintu isteriniñ ne sebepti jürgizilgeni turalı anıq mälimet taratqan joq. Agenttik ökili tek barlıq isterdiñ zañ şeñberinde atqarılıp jatqanın ğana aytqan.

AQŞ Qazına departamenti 2018 jılı reseylik birqatar qaltalılar men resmi twlğalardıñ AQŞ-tağı aktivterine sankciya salğan bolatın. Sonıñ qatarında Oleg Deripaska da bar. Bwl Reseydi 2016 jılğı AQŞ-tağı prezident saylauğa aralastı degen ayıptan keyin şığarılğan şeşim bolatın.  Alayda, Mäskeu tarabı bwl ayıptı joqqa şığaradı.

Reseylik oligarh Derpaska biıl 53 jasta. Onıñ 1990 jıldarı metall saudasımen bayığan Deripaska 1997 jılı Reseydegi eñ iri «Bazalıq element gruptıñ» negizin qalauşı. Resey prezidenti Vladimir Putinmen tığız baylanısta delingen oligarhtıñ prezident Trmptıñ saylaualdı tobına jetekşilik etken Pol Manafortpen de baylanısınıñ tığız ekeni anıqtalğan.

Eñ qızığı, prezident Tramp qızmetke kirisip bir jıl ötkende Deripaskağa baylanıstı üş käsiporın sankciya tiziminen şığarılğan. Al, onımen baylanısı bar delingen Pol Manafort aldamşılıqpen ayıptalğan bolsa da Tramp qızmetinen keter aldında keşirim bergen.

The Qazaq Times