Resey prezidenti Vladimir Putin Qazaqstan AES salatın bolsa, Resey kömektesuge äzir ekenin, qazaqstandıq mamandardı da osı salağa bauluğa dayın ekenin mälimdedi. Bwl jöninde ol bügin, 30 qırküyekte ötken XVII aymaqaralıq ıntımaqtastıq forumında ayttı.

"Resey bizdiñ äriptesterge, qazaqstandıqtarğa da, atom elektr stanciyasın salıp, paydalanu boyınşa kömegin wsınadı. Mäsele respublikada reseylik ülgidegi AES salu jöninde ğana emes, twtas salanı qalıptastıru jöninde bolıp otır. Onıñ işinde atom energetikasımen baylanıstı kadrlardı reseylik oqu orındarında oqıtu da bar" dedi Vladimir Putin.

Bwğan deyin qırküyektiñ basında Vladivostokta ötken Şığıs ekonomika forumınıñ plenarlıq otırısında prezident Qasım-Jomart Toqaev Qazaqstanğa atom elektr stanciyası qajet ekenin aytqan. Toqaev oğan deyin öz joldauında da elge AES qajet ekenine toqtalğan. Ol ükimetke "bir jıldıñ işinde qauipsiz atom energetikasın damıtudı zerdeleudi" tapsırğan.

Qazaqstan biligi elde AES salu bastamasın keyingi jıldarı jii köterip jür. Biraq qoğamda bilikti bwl bastamasına qarsılar köp.

The Qazaq Times