BWW men NATO bas hatşıları N'yu-Yorkte kezdesti. Foto: NATO

BWW men NATO bas hatşıları Bas Assambleya otırısınıñ ayasında kezdesti. Halıqaralıq qauımdastıq pen älemdegi eñ iri qorğanıs alyansınıñ joğarı ökilderi Auğanstan mäselesin qamtığan jahandıq qauipsizdik pen klimat özgerisi taqırıptarın talqılağan.

Kezdesu turalı NATO tarabı taratqan resmi mälimetke qarağanda, N'yu-Yorkte ötken kezdesude BWW bas hatşısı Antoniu Gutteriş NATO bas hıtşısı Yens Stoltnbergpen beybitşilik pen qauipsizdik jäne terrorizmge qarsı küres taqırıptarında auqımdı talqı ötkizgen. Äri talqı barısında halıqaralıq qauipsizdik pen NATO arasındağı ıntımaqtastıqtı damıtuğa kelisken.

Kezdesuden mälim bolğanday, NATO men BWW arasında Auğanstandağı qauipsizdik pen adam qwqığın qorğau boyınşa ortaq jwmıstar jürgizilmek. Auğanstanda twraqtılıqtı qamtamasız etu üşin NATO halıqaralıq qauımdastıqtıñ Auğanstan missiyasımen tığız baylanısta boladı jäne özindegi mañızdı barlau mälimetterimen de bölisetin boladı.

The Qazaq Times