BAIDU.Foto: Haker

Qıtaylıq Baidu Inc (Baidu.百度) kompaniyası avtomattı kölik jürgizu qwrılğısı ornatılğan avtokölikti bazarğa salıp, osıdan bwrın mwnday kölikter öndirgen General Motors, Google, Alphabet tağı basqa da käsiporındarmen bäsekelestik ornatatındığın jariyaladı.

Baidu köligi. Foto: The Wall Street Journal

Qıtaydağı tanımal aqparat qwraldarınıñ swhbatın qabıldağan Baidu korporaciyasınıñ prezidenti Lyu Çi (Liu Qi): «Baidu avtoköliginiñ bağdarlamalıq josparın ayaqtau aldında twrmız. Köliktik baqılau jäne paydalanu jüyeleriniñ funkciyasın, tehnikalıq sıyımdılığı barınşa joğarı deñgeyge jetkizuge tırıstıq. Aldağı uaqıtta bazarğa salınğanda köretin bolasızdar – Baidu avtomattı jürgizu jüyesi bar avtokölikteri bwl türdegi jaña tehnologiyanıñ damuına zor üles qosqanın däleldeydi», – dedi.

Qazirgi kezde qızmet öteu türimen tabısqa jetken kompaniyalar bolaşaq damu jolın öndiruşi orınğa aynaludan, sonıñ işinde jaña tehnologiyalardı öndiruge basımdıq berude. Sebebi, jaña tehnologiyanıñ bolaşağı jarqın, onıñ üstine qalıptasqan qwral-jabdıqtar sekildi mızğımas jüyesı qalıptasıp ülgermegen. Jasau qwqığı da avtokölikter sekildi jekelegen elderde emes. Osı negizde Google, Alphabet, Baidu, Waymo qatarlı kompaniyalar iri käsiporındarğa aynalıp keledi.

The Qazaq Times