Keşe, 16 qırküyekte qwqıq qorğauşı Älima Äbdirova Aqtöbe oblısı äkimdigi aldında jalğız adamdıq piket ötkizip, Euroodaqtan Qazaqstannıñ eks-prezidenti Nwrswltan Nazarbaevqa sankciya saluın swradı. Bwl jaylı Azattıq radiosı jazdı.
Basılım aqparatına qarağanda, Äbdirova "Qazaqstandı otız jılğa juıq basqarğan Nwrswltan Nazarbaev pen ol tağayındağan sottar adam qwqığın jüyeli türde bwzıp otır" dep sanaydı.
"Osı piketti ötkizu üşin qala äkimdigine birneşe ret arızdandım. Basında äkimdik jalğız adamdıq, beybit akciyanı ötkizuge tıyım saldı. Olar "Elbası turalı" zañğa süyenip, elbasınıñ qolswğılmauşılığın alğa tarttı. Biraq äñgime sırtqı sayasat turalı. Eurodaqtıñ "Elbası turalı" zañğa qatısı joq. YAğni, Nazarbaevqa sankciyanı Euroodaq sala aladı. Men sonı swrap şığıp twrmın" dedi Älima Äbdirova.
Äbdirovanıñ Azattıqqa aytuına qarağanda, piket ötkizuge qala äkimdigi rwqsat bergenin. Mwna qala äkimdigi de rastağan. Pikettiñ birinşi küni özderin "äkimdiktenbiz" dep tanıstırğan birneşe adam Äbdirovanı sırttay baqılap, videoğa tüsirdi.
Azattıqtıñ jazuınşa, aqtöbelik qwqıq qorğauşılar Älima Äbdirova men Ol'ga Klimonova mwnday narazılıq şaraların köpten beri ötkizip keledi. Bıltır qırküyekte olar Aqtöbedegi qala äkimdigine barıp, "qwqıq qorğauşılar men olardıñ otbası müşelerine jüyeli türde qısım jasaytın" bilikke narazılıq bildirgen.
Kiberşabuılğa wşırağan BAQ ökilderi qwqıq qorğau organdarına arız tüsirdi
Oyan, Qazaqstan qozğalısınıñ tağı bir belsendisin policiya bölimine şaqırdı
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Eks-ministr äyelin sabap öltirdi degen küdikpen wstaldı