Körneki suret.

Inflyaciyanıñ 50 payızdan astamı azıq-tülik tauarları bağasınıñ ösuine tiesili bolıp otır. Bwl turalı Ükimet otırısında inflyaciyağa qarsı den qoyu şaralarınıñ keşenin talqılau kezinde ülttıq ekonomika ministri Äset Erğaliev mälim etti.

«Jahandıq pandemiya bükil älemdegi inflyaciyalıq procesterge qısım jasaytın bwrın-soñdı bolmağan makroekonomikalıq soqqığa aynaldı. Logistikalıq tizbekterdiñ bwzıluı, swranıstağı qwrılımdıq özgerister, ekonomikanı qoldauğa bağıttalğan ekspansiyalıq monetarlıq jäne fiskaldıq bağdarlamalardı qabıldau jäne basqa da trendterdiñ äserinen bügingi küni inflyaciyanıñ ösui bükil älemde bayqaldı. Nätijesinde, halıqaralıq qarjı wyımdarı 2021 jılı inflyaciyanıñ bükil älemde 3,9%-ğa jedeldeuin boljaydı. Qazaqstanda biyalğı tamızda inflyaciyanıñ ay sayınğı ösui 0,5%-dı qwradı» dedi Ä. Erğaliev.

Onıñ aytuınşa, mausımaralıq faktorlar jäne keyinge qaldırılğan swranıs äserinen aqılı qızmetter äri azıq-tülik emes tauar bağalarınıñ ösuiniñ ülesi arttı. Osınıñ saldarınan, aqılı qızmetter boyınşa bağalardıñ ösui 0,8%, azıq - tülik emes tauarlar boyınşa - 0,6%, azıq-tülik tauarları boyınşa 0,1% qwradı.

«Jıldıq esepteude Qazaqstanda inflyaciya 8 aydıñ qorıtındısı boyınşa 8,7%-dı qwradı jäne tarihi qalıptasqan qwrılımğa säykes, onıñ 50%-dan astamı azıq-tülik tauarları bağasınıñ ösuine tiesili bolıp otır» dedi ministr.

The Qazaq Times