Äskeri qoymadağı jarılıstan jaraqat alğandardı auruhana äkelip jatqan sät. Foto äleumettik jeliden alındı.

Jambıl oblısı Bayzaq audanındağı äskeri qoymadağı jarılıs saldarınan qaza bolğandar sanı toğızğa jetti. Bwl turalı Tötenşe jağdaylar ministrligi habarladı. 

Ministrlik taratqan soñğı aqparatqa qarağanda, tüsten keyin tört adamnıñ qaza bolğanı anıqtalğan. Qazir olardıñ kim ekeni anıqtalıp jatır. Bwdan bölek, tört adam äli iz-tüssiz.

Bwğan deyin Qorğanıs ministrligi jarılıstan 5 adam mert bolğanın habarlağan. Olar:

  • Serjant Meşinbay Marat Saylauwlı, 40 jasta;
  • Efreytor Janbolatov Ruslan Jürsinbaywlı, 40 jasta;
  • Äskeri küzet qızmetkeri Dalibaev Orazbek Dayrabekwlı,  52 jasta;
  • Oñtüstik öñirdiñ äskeri prokurorı Arman Qapezov;
  • Ört söndiru komandasınıñ bastığı, kelisim-şart qızmetiniñ starşinası Erkin Erikbaywlı Nädirbekov, 42 jasta.

Keşe, 26 tamız küni keşke Jambıl oblısı Bayzaq audanında Qorğanıs ministrligine qarastı äskeri bölimşeniñ qoymasınan ört şığıp, oq-däri jarılğan. Qorğanıs ministrliginiñ aqparatına qarağanda, 6 märte jarılıs bolğan.

The Qazaq Times