اسكەري قويماداعى جارىلىستان جاراقات العانداردى اۋرۋحانا اكەلىپ جاتقان ءسات. فوتو الەۋمەتتىك جەلىدەن الىندى.

جامبىل وبلىسى بايزاق اۋدانىنداعى اسكەري قويماداعى جارىلىس سالدارىنان قازا بولعاندار سانى توعىزعا جەتتى. بۇل تۋرالى توتەنشە جاعدايلار مينيسترلىگى حابارلادى. 

مينيسترلىك تاراتقان سوڭعى اقپاراتقا قاراعاندا، تۇستەن كەيىن ءتورت ادامنىڭ قازا بولعانى انىقتالعان. قازىر ولاردىڭ كىم ەكەنى انىقتالىپ جاتىر. بۇدان بولەك، ءتورت ادام ءالى ءىز-ءتۇسسىز.

بۇعان دەيىن قورعانىس مينيسترلىگى جارىلىستان 5 ادام مەرت بولعانىن حابارلاعان. ولار:

  • سەرجانت مەشىنباي مارات سايلاۋۇلى، 40 جاستا;
  • ەفرەيتور جانبولاتوۆ رۋسلان ءجۇرسىنبايۇلى، 40 جاستا;
  • اسكەري كۇزەت قىزمەتكەرى داليباەۆ ورازبەك دايرابەكۇلى،  52 جاستا;
  • وڭتۇستىك ءوڭىردىڭ اسكەري پروكۋرورى ارمان قاپەزوۆ;
  • ءورت ءسوندىرۋ كومانداسىنىڭ باستىعى، كەلىسىم-شارت قىزمەتىنىڭ ستارشيناسى ەركىن ەرىكبايۇلى نادىربەكوۆ، 42 جاستا.

كەشە، 26 تامىز كۇنى كەشكە جامبىل وبلىسى بايزاق اۋدانىندا قورعانىس مينيسترلىگىنە قاراستى اسكەري بولىمشەنىڭ قويماسىنان ءورت شىعىپ، وق-ءدارى جارىلعان. قورعانىس مينيسترلىگىنىڭ اقپاراتىنا قاراعاندا، 6 مارتە جارىلىس بولعان.

The Qazaq Times