Jambıl oblısı Bayzaq audanındağı äskeri qoymadağı jarılıs saldarınan tağı bir adamnıñ qaza bolğanı anıqtaldı. Bwl jöninde oqiğa ornında jürgen tilşisiniñ mälimetine süyengen Azattıq radiosı habarladı.

"Jarılıs saldarınan ört söndiruşi Eldos Sandıbaevtıñ qaza bolğanı anıqtaldı. Onıñ dosı qazir osı jerde jür. Ata-anası üyine jılap ketti" dep keltirdi Azattıq radiosı oqiğa ornında jürgen tilşisiniñ sözin.

Bwğan deyin Qorğanıs ministrligi jarılıstan 5 adam mert bolğanın habarlağan. Olar:

  • Serjant Meşinbay Marat Saylauwlı, 40 jasta;
  • Efreytor Janbolatov Ruslan Jürsinbaywlı, 40 jasta;
  • Äskeri küzet qızmetkeri Dalibaev Orazbek Dayrabekwlı,  52 jasta;
  • Oñtüstik öñirdiñ äskeri prokurorı Arman Qapezov.
  • Ört söndiru komandasınıñ bastığı kelisim-şart qızmetiniñ starşinası Erkin Erikbaywlı Nädirbekov, 29 jasta

Bwdan bölek, joyqın jarılıstan keyin auruhanağa jetkizilgen 66 adamnıñ 28 emdelip jatır. Onıñ altauınıñ jağdayı auır hälde. Qorğanıs ministrliginiñ mälimetinşe, iz-tüssiz joğalğandar da bar.