جامبىل وبلىسى بايزاق اۋدانىنداعى اسكەري قويماداعى جارىلىس سالدارىنان تاعى ءبىر ادامنىڭ قازا بولعانى انىقتالدى. بۇل جونىندە وقيعا ورنىندا جۇرگەن ءتىلشىسىنىڭ مالىمەتىنە سۇيەنگەن ازاتتىق راديوسى حابارلادى.

"جارىلىس سالدارىنان ءورت ءسوندىرۋشى ەلدوس ساندىباەۆتىڭ قازا بولعانى انىقتالدى. ونىڭ دوسى قازىر وسى جەردە ءجۇر. اتا-اناسى ۇيىنە جىلاپ كەتتى" دەپ كەلتىردى ازاتتىق راديوسى وقيعا ورنىندا جۇرگەن ءتىلشىسىنىڭ ءسوزىن.

بۇعان دەيىن قورعانىس مينيسترلىگى جارىلىستان 5 ادام مەرت بولعانىن حابارلاعان. ولار:

  • سەرجانت مەشىنباي مارات سايلاۋۇلى، 40 جاستا;
  • ەفرەيتور جانبولاتوۆ رۋسلان ءجۇرسىنبايۇلى، 40 جاستا;
  • اسكەري كۇزەت قىزمەتكەرى داليباەۆ ورازبەك دايرابەكۇلى،  52 جاستا;
  • وڭتۇستىك ءوڭىردىڭ اسكەري پروكۋرورى ارمان قاپەزوۆ.
  • ءورت ءسوندىرۋ كومانداسىنىڭ باستىعى كەلىسىم-شارت قىزمەتىنىڭ ستارشيناسى ەركىن ەرىكبايۇلى نادىربەكوۆ، 29 جاستا

بۇدان بولەك، جويقىن جارىلىستان كەيىن اۋرۋحاناعا جەتكىزىلگەن 66 ادامنىڭ 28 ەمدەلىپ جاتىر. ونىڭ التاۋىنىڭ جاعدايى اۋىر حالدە. قورعانىس مينيسترلىگىنىڭ مالىمەتىنشە، ءىز-ءتۇسسىز جوعالعاندار دا بار.