Küzetşiniñ jurnalist Aqböpe Täñirbergendi äkimdik ğimaratına küştep şığarıp jatqan säti. Foto: videodan skrinşot

Memlekettik "Habar" telearnasınıñ jurnalisi Aqböpe Täñirbergen Almatı qalası Alatau audanı äkimdigi ğimaratınan küştep şığarıldı. Äkimdik jurnalisti küştep şığaruğa onıñ ğimaratqa "Aşıq" qosımşasınsız kirgeni sebep bolğanın aytıp, Instagram äleumettik jelisindegi resmi paraqşasında tilşiniñ turniket astınan ötip bara jatqan videosın jariyaladı. Jurnalistiñ mwnday äreketke baruına ne sebep boldı? Äkimdik küzetşisi tilşini nege küştep şığardı? Osı swraqtarğa jauap izdep kördik. 

Aqböpe Täñirbergenniñ aytuınşa, ol ğimarattağı turniketiñ astınan ötuge mäjbür bolğan. Öytkeni äkimdiktegiler tüsirilim tobın  birneşe sağat boyı ğimaratqa kirgizbey, swhbat beruge qwlıqsızdıq tanıtqan.

–  Men "Äkim" degen bağdarlamanı dayındaytın jurnalispin. Biz tüske deyin twrğındarmen tildesip, qanday mäseleleri bar ekenin bilemiz. Tüsten keyin äkimdikke baramız. Äkim kabinetinde otır ma, sırtta jür me  birden qalay bar, solay tüsiremiz. Bağdarlamanıñ erekşeligi sonda, bara jatqanımızdı aldına ala eskertpeymiz. Al Alatau audanı äkimdigindegiler jurnalisterdi kütpey qalsa kerek. Biz barğanda äkim apparatınıñ basşısı "Nege aldın ala habarlaspaysızdar, qanday swraqtarıñız bar, aytıñız, biz oğan jauap dayındayıq. Är salanıñ, är bölimniñ mamandarı bar, solar sizdiñ swrağıñızğa dayındaluı kerek qoy" dedi. Bwl tüski sağat ekiden asqan kez edi. Men ol kisige "bölim mamandaranıñ jauabı qajet emes, mağan äkim kerek" dedim. Instagramnan kördim, äkimniñ nısan aralap jürgeni ras eken. Nısan aralap jürgen jerinen körseteyin degen kezde "äkim sağat 17.30-da äkimdikke keledi, sol kezde keliñiz" dedi. Men "jaraydı" dep aytqan uaqıtta keletinimdi jetkizdim, – deydi "Habar" telearnasınıñ tilşisi.

Osından keyin ol apparat basşısı şaqırğan uaqıtta äkimdikke qayta kelgen, biraq ne äkim, ne apparat basşısı şıqpağan. Arada 10-15 minut uaqıt ötken qaytadan apparat basşısı şığıp, äkimniñ basqa jwmıstarı bar ekenin jäne swhbat bere almaytın jetkizgen.

– "Jaraydı, onda orınbasarı bersin" dedim men. Apparat basşısı äkimdik ğimaratına kirip ketti. Söytti de joq boldı. Äkim orınbasırı da, apparat basşısı şıqpadı. Bwl kezde sağat keşki altı jarım bolğan. Küzetşiden äkimdiktegilerdi şaqırıp berudi swradım. Olar jwmıs uaqıtı bitti, özi ketip qaladı dep oylasa kerek. Men ketken joqpın. Sebebi mağan mindetti türde swhbat aluım kerek boldı. Sonımen eriksiz turnikettiñ astınan ötuge mäjbür boldım. Meniñ qateligim, turnikettiñ astınan ötkenim bolıp twr. Onı moyındaymın. Ol jerden men «Aşıq» qosımşasınıñ QR kodın közim şalğan joq. Küzetşiler de mağan «Aşıq» arqılı kiriñiz demedi. Olar tipti meni kirgizuge qwlıqsız boldı. Meni işke kirgizetin nietteri bolğan joq, – deydi Aqböpe Täñirbergen.

Osılayşa äkimdik küzetşisi tilşini köterip alıp, ğimarat sırtına şığarıp tastağan.

– Meni küştep şığarıp jibergen soñ äkimdik ğimaratınıñ esigin qwlıptap aldı. Küzetşiniñ meni laqtırıp jibergenin iştegiler körip otır. Sırtqa şığıp araşa tüsetin şığar dep oyladım. Biraq äkimdik qızmetkerleriniñ bireui de şıqqan joq. Sol kezde policiya keldi. Policiyanı qatelespesem, äkimdik şaqırğan. Öytkeni men eşqayda habarlasqan joqpın. Policiya şaqırtu boyınşa kelgenin ayttı. Jurnalisten bomba alıp kiretin terroristey qorğanğandarı, meni qattı tañğaldırdı, – deydi Aqböpe Täñirbergen.

Alatau audanı äkimdigi Instagram jelisindegi resmi paraqşasında jurnalistiñ ne sebepti küştep şığarılğanın jazdı. Biraq tilşige nelikten swhbat bermegenderin tüsindirgen joq. The Qazaq Times tilşisi audan äkimi Azamat Qaldıbekovtıñ jeke nömirine, äkimdiktiñ resmi saytında körsetilgen barlıq baylanıs nömirge birneşe märte habarlastı, biraq twtqanı eşkim kötergen joq. Basa ayta ketetin jayt, äkimdiktiñ resmi saytında audan äkiminiñ baylanıs nömiri körsetilmegen. Sayttağı "Baspasöz ortalığı" degen aydarda da eşqanday baylanıs nömiri joq. Al "Baylanıs aqparatı" degen aydarda jazılıp twrğan nömirlerdiñ eşqaysımen de baylanısu mümkin emes. Öytkeni eşkim jauap bermeydi.

Memlekettik telearna tilşisi Aqböpe Täñirbergenniñ äkimdik ğimartınan küştep şığarılğanı qoğamda qızu talqılınıp jatır. Mäselege aqpart jäne qoğamdıq damu ministri Aida Balaeva da nazar audardı. Ol öziniñ Facebook jelisindegi paraqşasında "jurnalisterdiñ qwqığın bwzuğa, olardıñ jwmısna kedergi keltirip, kwş körsetuge eşqaşan jol berilmeui kerek" ekenin jazdı.

Japı Qazaqstanda jurnalister jii kedergige wşıraydı. Äsirese, täuilsiz BAQ-tıñ tilşilerine qısım köp. Biraq täuelsiz jurnalister kedergige tap bolğanda Aqparat jäne qoğamdıq damu minstrligi eşqaşan araşa tüsken emes. Tipti, memlekettegi media salasına jauaptı şeneunikter täuelsiz BAQ-qa jasalğan qısımdar men ärtürli arandatu äreketeri jaylı pikir de bildirmeydi.

The Qazaq Times