Kamala Harris Singapurda. Foto: Bloomberg

Oñtüstik Şığıs Aziya elderinde saparda jürgen AQŞ vice-prezidenti Kamala Harris Oñtüstik Qıtay teñizindengi Beyjiñniñ äreketterin ayıptadı. Ol Singapurda jasağan mälimdemesinde Qıtaydıñ äreketin agressiya qatarında sınğa aldı jäne «qauipti äreket» dep bağaladı.

AQŞ pen Qıtaydıñ Ündi-Tınıq mwhit aymağındağı strategiyalıq bäsekelestik qatınasınıñ küşeyuine baylanıstı Oñtüstik Şığıs Aziya elderinde Uaşington men Beyjiñniñ diplomatiyalıq jüristeri barğan sayın qıza tüsti. Aymaqtağı birqatar elderge resmi saparda jürgen Kamala Haris Sigapurda Qıtaydıñ sayasatın sınağan mälimdeme jasadı.

Haristiñ Oñtüstik Şığıs Aziya saparınıñ josparı sät sayın özgerip jatqanı aqparat qwraldarınıñ nazarın audardı. V'etnamğa mejeli uaqıtınan 3 sağatqa keşigip barğan Harris Singapurda mañızdı kezdesulerdiñ uaqıtıñ wzartqan.

Aymaq elderin Qıtaydıñ agressiyalıq äreketterine qarsı biriktiru, Qwrama Ştattardıñ aymaqtağı diplomatiyalıq qadamdarın alğa jıljıtu, aymaqtağı türli transşekaralıq mäselelerdi qarastıru Harris saparınıñ bastı maqsatı. Sondıqtan da ol özi barğan är sapar ayaldamalarında aymaq elderin Qwrama Ştattardıñ belsene qoldaytının aytumen boldı.

The Qazaq Times