Iran Auğanstanmen mañızdı şekara beketin japtı. Foto: IRNA

Auğanstanda «Taliban» wyımı qarulı operaciyaların jalğastıruda. Eldiñ Kabuldan keyingi iri qalaları men strategiyalıq mañızdı aymaqtarına şabuıldarın jiiletti. Bwğan qosa Täjikstan jäne Türkimenstanğa şekaralas aymaqtarda da belsendi äreket etude.

Ötken jwmada tälipter Qwndız qalasın basıp aluğa äreket etken. Qwndız provinciyasınıñ resmileri taratqan mälimetken qarağanda, qaqtğıstan 11 beybit twrğan qaza tauıp, 40-tan astam adam jaraqat alğan. Tälipter Qwndızdıñ keybir aumaqtarın öz baqılauına alğan.

Al, resmilermen qatar «Taliban» tarabı da mälimdeme taratıp, «aymaqtıñ basım aumağına baqılau ornatqanın» ayttı. Bwdan tıs tälipter eldiñ soltüstigindegi strategiyalıq mañızdı aymaq sanalatın Jüzjan (Djuzdjan) provinciyasınıñ ortalığı Şibirgan qalasına baqılau ornatqan.

Tälipter Auğanstannıñ Päkistan jäne Iranmen şekaralasatın aymaqtarnında da mañızdı provinciyalardı özine qaratuğa küş saluda. Iran tarabı «Talibannıñ» qarulı äreketterinen keyin eldiñ şığısındağı Sistan-Belujistan şekara beketin japqanın mälimdedi. Bwl turalı demalıs künderi Irannıñ IRNA agenttigi habalağan bolatın.

Iranmen şekaralasatın strategiyalıq mañızğa ie Nimurz provinciyasınıñ Zerenji (Zerendj) qalasındağı ükimet pen tälip küşteriniñ arasındağı qaqtığıs Iran biligin alañdatqan. Iran aqparat qwraldarınıñ mälimetinşe, tälipter atalğan qala üşin qaqtığısta ükimet küşterinen basımdıñğın körsetken.

“The Qazaq Times”