«تاليباننىڭ» قارۋلى ارەكەتى كۇشەيدى: يران شەكارا بەكەتىن جاپتى

اۋعانستاندا «تاليبان» ۇيىمى قارۋلى وپەراتسيالارىن جالعاستىرۋدا. ەلدىڭ كابۋلدان كەيىنگى ءىرى قالالارى مەن ستراتەگيالىق ماڭىزدى ايماقتارىنا شابۋىلدارىن جيىلەتتى. بۇعان قوسا تاجىكستان جانە تۇركىمەنستانعا شەكارالاس ايماقتاردا دا بەلسەندى ارەكەت ەتۋدە.

وتكەن جۇمادا تالىپتەر قۇندىز قالاسىن باسىپ الۋعا ارەكەت ەتكەن. قۇندىز پروۆينتسياسىنىڭ رەسميلەرى تاراتقان مالىمەتكەن قاراعاندا، قاقتعىستان 11 بەيبىت تۇرعان قازا تاۋىپ، 40-تان استام ادام جاراقات العان. تالىپتەر قۇندىزدىڭ كەيبىر اۋماقتارىن ءوز باقىلاۋىنا العان.

ال، رەسميلەرمەن قاتار «تاليبان» تارابى دا مالىمدەمە تاراتىپ، «ايماقتىڭ باسىم اۋماعىنا باقىلاۋ ورناتقانىن» ايتتى. بۇدان تىس تالىپتەر ەلدىڭ سولتۇستىگىندەگى ستراتەگيالىق ماڭىزدى ايماق سانالاتىن ءجۇزجان (دجۋزدجان) پروۆينتسياسىنىڭ ورتالىعى شيبيرگان قالاسىنا باقىلاۋ ورناتقان.

تالىپتەر اۋعانستاننىڭ پاكىستان جانە يرانمەن شەكارالاساتىن ايماقتارنىندا دا ماڭىزدى پروۆينتسيالاردى وزىنە قاراتۋعا كۇش سالۋدا. يران تارابى «تاليباننىڭ» قارۋلى ارەكەتتەرىنەن كەيىن ەلدىڭ شىعىسىنداعى سيستان-بەلۋجيستان شەكارا بەكەتىن جاپقانىن مالىمدەدى. بۇل تۋرالى دەمالىس كۇندەرى يراننىڭ IRNA اگەنتتىگى حابالاعان بولاتىن.

يرانمەن شەكارالاساتىن ستراتەگيالىق ماڭىزعا يە نيمۋرز پروۆينتسياسىنىڭ زەرەنجى (زەرەندج) قالاسىنداعى ۇكىمەت پەن ءتالىپ كۇشتەرىنىڭ اراسىنداعى قاقتىعىس يران بيلىگىن الاڭداتقان. يران اقپارات قۇرالدارىنىڭ مالىمەتىنشە، تالىپتەر اتالعان قالا ءۇشىن قاقتىعىستا ۇكىمەت كۇشتەرىنەن باسىمدىڭعىن كورسەتكەن.

“The Qazaq Times”