Egu punktinde terapevt pacienttiñ densaulığı jaylı swrastırıp-swhbattasıp otır. Almatı qalası. Säuir 2021 jıl. Foto: QT / Kültegin Aspanwlı

Törtinşi tolqındı auır hälde ötkizip jatqan Almatı qalasında nauqastar sanı kün sayın artıp keledi.

Qoğamdıq densaulıq saqtau basqarmasınıñ mälimetinşe,ötken täulikte tirkelgen 420 adamnıñ 370 nauqasta simptom belgileri bar, tağı 50 adam simptomsız türde auırğan. 8 şildede 203 adam auruhanağa jatqızılğan jäne 116 adam üyine jiberilgen.

Jalpı qalada 2516 adam ambulatorlıq deñgeyde emdelude jäne sıyımdılığı 3700 orın bolatın infekciyalıq stacionarlarda 1277 adam jatır. Olardıñ arasında jağdayı jeñil äri orta deñgeyde 89 bala bar. Bwdan özge auruhandağı eresekterdiñ 900-deyi auır jäne 3118-i orta hälde. Al reanimaciya jäne qarqındı terapiya bölimderinde 96 nauqas bar. 13 adam ÖJJ, 39 nauqas invazivti emes ÖJJ-ımen jäne 30 sırqat High flow apparatımen tınıstap jatır.

Resmi derekke qarağanda, jalpıhalıqtıq vakcinaciyalau nauqanı bastalğalı, yağni aqpan ayınan beri megapoliste 339 mıñ adam ekpeni tolıq dozasın alğan. Äkimdik mälimetinşe, äzirge 212 egu punkti men 308 egu brigadasında 1260 medqızmetker jwmıs isteydi.

Naurız ayında bas sanitar däriger Jandarbek Bekşin bir künde auruhanağa jatqızılğandar sanı 500-den assa, qalada lokdaun küşeytilip, blok-beket qoyılatının eskertken.

Almatıda pandemiya kezinde koronavirus pen pnevmoniya sırqattarınıñ qatarı 83 mıñğa (77 mıñı KVI+, 6 mıñı KVI-) jetti. Bekşinniñ aytuınşa, şilde ayında qalada törtinşi tolqın bastaldı.

Bıltır 13 naurızdan beri COVID-19 infekciyasın jwqtırğandar qatarı 448 mıñğa, 1 tamızdan bılayğı koronavirus pnevmoniyası 57,5 mıñğa jetken. DDSW derekqorı men Wlttıq statistikada Qazaqstanda auırğandar sanı 505 mıñnan asqan. Degenmen Ükimet koronavirus pen onıñ pnevmoniyasın eki bölek esepteydi. Pandemiya bastalğalı jalpı virus jwqqandardan 10 424 adam (KVI+ / U07.1 – 4576, KVI- / U07.2 – 3481, ilespe aurulardan – 2367) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingenderdi jalpı statistikağa engizbeydi.

"The Qazaq Times"