Qarım-qatınastıñ eñ naşar kezindegi alğaşqı qol alısu. Foto: AP.

AQŞ prezidenti Jou Bayden men Resey prezidenti Vladimir Putin bügin, 16 mausım särsenbi küni Jeneva qalasında kezdesti. Kezdesuge deyin de jäne kezdesu barısında da taraptardıñ qanday da bir iri kelisimnen ümitteri az boldı.

Qazirgi aqparat qwraldarında bar mälimetter boyınşa, kezdesu birneşe sağatqa sozılğan. Aldımen eki eldiñ prezidenti jäne AQŞ memlekettik hatşısı men Resey sırtqı ister ministrleriniñ aldın-ala kezdesuleri ötken. Odan keyin taraptar keñeytilgen qwramda qayta jolıqqan.

Kezdesuden bwrın Bayden komandasınan bir şeneunik jurnalisterge bergen pikirinde, Bayden men Putin arasındağı resmi bas qosudan joğarı nätije kütilip otırmağanın, bar bolğanı taraptar öz elgilerin keri şaqırıp aludan bas tartuğa kelisu boyınşa ğana maqsat qwrılıp otırğanın aytıp ötken edi.

AQŞ-Resey qarım-qatınasınıñ naşarlauına baylanıstı AQŞ elşisi Djon Sallivan men Resey elşisi Anatoliy Antonov osı jıldıñ basında keri şaqırıldı. Bwl ekeui de bügin Jenevada boladı degen aqparat bwdan bwrın tarağan.

AQŞ ükimetiniñ joğarı lauazımdı qızmetkeri Baydenniñ kelissözderdegi maqsattarına mınalar dep körsetken edi:  AQŞ pen Resey ıntımaqtasa alatın aymaqtardı izdeu; AQŞ-tıñ negizgi wlttıq müddelerin naqtı körsetip, «Reseydiñ AQŞ müddelerine qayşı keletin äreketterine jauap beru.

Bayden men Putinniñ eki eldiñ prezidentteri retinde alğaş kezdesuiniñ nätijesi, sayasi bağası turalı aytu qazirşe erte. Degenmen, taraptardıñ kezdesui AQŞ-Resey qatınasınıñ «eñ naşar twsında» (Putin osılay bağalağan) kezdesuiniñ sayasi mäni tereñ.

“The Qazaq Times”