Ryanair äue kompaniyasınıñ Irlandiyadan Pol'şağa wşıp bara jatqan reysi Berlin äuejayına şwğıl qondı.

160 adam mingen wşaqta jarılğış zat bar degen habar tarağan. Berlinge qonğan soñ jük qauipsiz jerge jetkizildi. Tekseris nätijesinde joğarıda taratılğan aqparattıñ jalğan ekeni anıqtaldı.

Bwl Ryanair kompaniyası wşırasqan alğaşqı jağday emes. 23 mamırda Belarus' arnayı qızmeti Litvağa bağıt alğan jolauşı wşağına «bomba qoyıldı» degen habardı jeleu etip, Roman Protaseviç otırğan kommerciyalıq wşaqtı Minskige qonuğa mäjbürledi. Borttan bomba tabılmadı, esesine Belarus' policiyası wşaqta bolğan oppoziciyalıq jurnalist, NEXTA Live Telegram arnasınıñ negizin qalauşılardıñ biri, jurnalist Roman Protaseviçti twtqındadı. Wşaqtı bwruğa Belarus' rejiminiñ basında otırğan Aleksandr Lukaşenkonıñ özi bwyrıq bergen.

24 mamırda Bryussel'degi kezdesude Europa odağına müşe 27 eldiñ liderleri Belarus' biligine tağı da sankciya saluğa kelisti. Jiında EO liderleri odaqqa müşe elderdiñ äue kompaniyaların Belarus' töbesinen wşpauğa, Belarus'tiñ Belavia äue kompaniyasın Europağa kirgizbeuge şaqırğan.

"The Qazaq Times"