Foto: https://cd

Belarus' prezidenti «Ryanair aviakompaniyasınıñ wşağındağı bomba turalı habarlama Şveycariyadan keldi», dep aqtaldı.

«Europanıñ soñğı diktatorı» sanalatın Lukaşenko mälimdemesinde «Ryanair reysinde terroristiñ bolğanın Europa arqılı bldim jäne olar wşaqtıñ şwğıl qonuına qatıstı oqiğanı tergeuden bas tarttı» deydi.

23 mamırda Belarus' arnayı qızmeti Litvağa bağıt alğan jolauşı wşağına «bomba qoyıldı» degen habardı jeleu etip, Roman Protaseviç otırğan kommerciyalıq wşaqtı Minskige qonuğa mäjbürledi. Borttan bomba tabılmadı, esesine Belarus' policiyası wşaqta bolğan oppoziciyalıq jurnalist, NEXTA Live Telegram arnasınıñ negizin qalauşılardıñ biri, jurnalist Roman Protaseviçti twtqındadı. Wşaqtı bwruğa Belarus' rejiminiñ basında otırğan Aleksandr Lukaşenkonıñ özi bwyrıq bergen.

24 mamırda Bryussel'degi kezdesude Europa odağına müşe 27 eldiñ liderleri Belarus' biligine tağı da sankciya saluğa kelisti. Jiında EO liderleri odaqqa müşe elderdiñ äue kompaniyaların Belarus' töbesinen wşpauğa, Belarus'tiñ Belavia äue kompaniyasın Europağa kirgizbeuge şaqırğan.

"The Qazaq Times"