بەلارۋس پرەزيدەنتى «Ryanair اۆياكومپانياسىنىڭ ۇشاعىنداعى بومبا تۋرالى حابارلاما شۆەيتساريادان كەلدى»، دەپ اقتالدى.
«ەۋروپانىڭ سوڭعى ديكتاتورى» سانالاتىن لۋكاشەنكو مالىمدەمەسىندە «Ryanair رەيسىندە تەرروريستىڭ بولعانىن ەۋروپا ارقىلى ءبلدىم جانە ولار ۇشاقتىڭ شۇعىل قونۋىنا قاتىستى وقيعانى تەرگەۋدەن باس تارتتى» دەيدى.
23 مامىردا بەلارۋس ارنايى قىزمەتى ليتۆاعا باعىت العان جولاۋشى ۇشاعىنا «بومبا قويىلدى» دەگەن حاباردى جەلەۋ ەتىپ، رومان پروتاسەۆيچ وتىرعان كوممەرتسيالىق ۇشاقتى مينسكىگە قونۋعا ماجبۇرلەدى. بورتتان بومبا تابىلمادى، ەسەسىنە بەلارۋس پوليتسياسى ۇشاقتا بولعان وپپوزيتسيالىق جۋرناليست، NEXTA Live Telegram ارناسىنىڭ نەگىزىن قالاۋشىلاردىڭ ءبىرى، جۋرناليست رومان پروتاسەۆيچتى تۇتقىندادى. ۇشاقتى بۇرۋعا بەلارۋس رەجيمىنىڭ باسىندا وتىرعان الەكساندر لۋكاشەنكونىڭ ءوزى بۇيرىق بەرگەن.
24 مامىردا بريۋسسەلدەگى كەزدەسۋدە ەۋروپا وداعىنا مۇشە 27 ەلدىڭ ليدەرلەرى بەلارۋس بيلىگىنە تاعى دا سانكتسيا سالۋعا كەلىستى. جيىندا ەو ليدەرلەرى وداققا مۇشە ەلدەردىڭ اۋە كومپانيالارىن بەلارۋس توبەسىنەن ۇشپاۋعا، بەلارۋستىڭ Belavia اۋە كومپانياسىن ەۋروپاعا كىرگىزبەۋگە شاقىرعان.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى