اقش پرەزيدەنتى جو بايدەن مەن رەسەي پرەزيدەنتى ۆلاديمير پۋتين اراسىنداعى العاشقى كەزدەسۋ جەنەۆادا وتەتىنى بەلگىلى بولدى. قازىر ەكى ەل اراسىندا كوپتەگەن ماسەلەلەردە كەلىسپەۋشىلىكتەر بار، ليدەرلەر اراسىنداعى كەزدەسۋ وسى قايشىلىقتاردى شەشۋگە مۇمكىندىك بەپەدى دەپ كۇتىلگەن. 

اق ءۇي سەيسەنبىدەگى مالىمدەمەسىندە پرەزيدەنت بايدەن 16 ماۋسىمدا جەنەۆادا پۋتينمەن كەزدەسكەلى وتىرعانىن راستادى. بايدەن بۇل كەزدە G7 سامميتىنە قاتىسۋ ءۇشىن بريتانياعا جانە ناتو وتىرىسىنا قاتىسۋ ءۇشىن بريۋسسەلگە ساپارلاي بارادى. بايدەن ساپارىنىڭ وسى كەزەگىندە پۋتينمەن دە كەزدەسپەك. بۇل بايدەن اقش پرەزيدەنتى بولعاننان بەرگى العاشقى شەتەلدىك ساپارى بولماق.

اق ءۇيدىڭ ءباسپاسوز وكىلى مالىمدەمەسىندە: "پرەزيدەنت مىرزا بۇل كەزدەسۋلەردە بىرقاتار شۇعىل ماسەلەلەردى تالقىلايدى، سونداي-اق اقش پەن رەسەي قاتىناسىنىڭ بولجاۋلى كۇيگە تۇسۋىنە، تۇراقتىلىق ورناۋىنا كۇش سالامىز", – دەگەن.

ساراپشىلاردىڭ بولجاۋىنشا، بايدەن مەن پۋتين اراسىنداعى كەزدەسۋدە تاراپتار ماڭىزدى كەلىسىمدەرگە كەلە الماسا دا، كەيبىر جاھاندىق ماسەلەلەر بويىنشا پىكىر ورتاقتىعىن تابا الادى. تاراپتاردا بۇعان دەيىن وزىنە جيناعان كوزىرلەرىنىڭ سالماعى دا اۋىر، سوندىقتان بايدەن مەن پۋتين بىردەن اشىق اڭگىمەگە كوشۋى مۇمكىن دەگەن بولجامدار دا بار.

“The Qazaq Times”