Foto: REUTERS/Suhaib Salem

Tayau Şığıstağı 2014 jıldan bergi eñ ülken qaqtığıs jetinşi künge sozıldı jäne deeslakaciya belgileri köriner emes. Halıqaralıq qauımdastıqtar Izrail'di şabuıldı toqtatuğa şaqırdı.

Jeksenbi tünde jäne tañerteñ HAMAS jauıngerleri Izrail'ge zımıran şabuılın jalğastırdı, al Izrail' äskerileri Gaza sektorına jaña soqqılar jasadı. Zımırannıñ biri HAMAS tobınıñ sayasi köşbasşısı YAh'ya Sinvardıñ üyine qwlağan. Tağı bir äue soqqısı HAMAS qozğalısınıñ «Djabaliya» batal'onı komandiriniñ üyine tüsken. Izrail' äskerileri eki üyde de toptıñ terroristik infraqwrılımı bolğanın habarladı.

Jalpı düysenbiden beri HAMAS Izrail' aumağına 3 mıñğa juıq zımıran wşırsa, evrey küşteri Gazadağı 1 mıñnan asa nısanğa soqqı jasağan. Izrail'diñ HAMAS tobına qarsı atqılauın «ädil operaciya» sanaytın Bin'yamin Netan'yahu qajet bolsa soqqı jalğasatının ayttı. Qazir Izrail'diñ öz işindegi qalalarda evreyler men arabtardıñ qaqtığısı da jalğasıp jatır.

Soñğı mälimetter boyınşa, Hamas pen CAHAL arasındağı uşıqqan wrıstan Gaza sektorında qaytıs bolğandardıñ sanı 188 adamğa jetken: onıñ 55-i bala. Al Izrail' tarapınan 10 azamat mert boldı, onıñ ekeui bala.

Osığan baylanıstı Euroodaqtıñ Sırtqı ister ministrleri Tayau Şığıstağı qaqtığıstı talqılau üşin juıq arada bas qospaq. Odaqtıñ Sırtqı ister jäne qauipsizdik jönindegi joğarğı ökili Jozep Borrel'diñ aytuınşa, şwğıl kezdesude 27 eldiñ bas diplomattarı janjaldı şeşudiñ joldarın izdestiruge küş saladı.
Eki el arasında bastalğan qaqtığıs 10 mamırdan beri jalğasıp jatır. 12 mamırda Izrail' Gaza sektorına äueden şabuıl jasap, HAMAS tobınıñ komandirin öltirdi. Bwğan jauap retinde HAMAS Izrail' tarapın raketamen atqıladı. Sonday-aq Izrail' köşelerinde evreyler men izrail'dik arabtar töbelesip, janjaldasqan. Bwl mäselede Izrail' prem'eri Benjamin Netan'yahumen telefon arqılı söylesken AQŞ prezidenti Djo Bayden HAMAS tobınıñ raketa şabuıldarın ayıptağan.

Tayau Şığıstağı şielenis ötken ayda uşığa bastağan. Oğan Izrail' sotınıñ Ierusalimdegi Şeyh-Djarah audanınan palestinalıqtardı köşiru turalı şeşimi sebep boldı. Izrail' 1967 jılı Tayau Şığıstağı soğıstan soñ Şığıs Ierusalimdi basıp alıp, astanamız dep jariyalağan. Biraq halıqaralıq qauımdastıq Ierusalimdi Izrail' astanası dep moyındamadı. Palestinalıqtar Şığıs Ierusalimdi öz jerimiz äri bolaşaqta qwrılatın täuelsiz elimizdiñ astanası boladı dep sanaydı.

"The Qazaq Times"