تاياۋ شىعىستاعى 2014 جىلدان بەرگى ەڭ ۇلكەن قاقتىعىس جەتىنشى كۇنگە سوزىلدى جانە دەەسلاكاتسيا بەلگىلەرى كورىنەر ەمەس. حالىقارالىق قاۋىمداستىقتار ءيزرايلدى شابۋىلدى توقتاتۋعا شاقىردى.
جەكسەنبى تۇندە جانە تاڭەرتەڭ حاماس جاۋىنگەرلەرى يزرايلگە زىمىران شابۋىلىن جالعاستىردى، ال يزرايل اسكەريلەرى گازا سەكتورىنا جاڭا سوققىلار جاسادى. زىمىراننىڭ ءبىرى حاماس توبىنىڭ ساياسي كوشباسشىسى ياحيا سينۆاردىڭ ۇيىنە قۇلاعان. تاعى ءبىر اۋە سوققىسى حاماس قوزعالىسىنىڭ «دجاباليا» باتالونى كومانديرىنىڭ ۇيىنە تۇسكەن. يزرايل اسكەريلەرى ەكى ۇيدە دە توپتىڭ تەرروريستىك ينفراقۇرىلىمى بولعانىن حابارلادى.
جالپى دۇيسەنبىدەن بەرى حاماس يزرايل اۋماعىنا 3 مىڭعا جۋىق زىمىران ۇشىرسا، ەۆرەي كۇشتەرى گازاداعى 1 مىڭنان اسا نىسانعا سوققى جاساعان. ءيزرايلدىڭ حاماس توبىنا قارسى اتقىلاۋىن «ءادىل وپەراتسيا» سانايتىن بينيامين نەتانياحۋ قاجەت بولسا سوققى جالعاساتىنىن ايتتى. قازىر ءيزرايلدىڭ ءوز ىشىندەگى قالالاردا ەۆرەيلەر مەن ارابتاردىڭ قاقتىعىسى دا جالعاسىپ جاتىر.
سوڭعى مالىمەتتەر بويىنشا، حاماس پەن تساحال اراسىنداعى ۋشىققان ۇرىستان گازا سەكتورىندا قايتىس بولعانداردىڭ سانى 188 ادامعا جەتكەن: ونىڭ 55-ءى بالا. ال يزرايل تاراپىنان 10 ازامات مەرت بولدى، ونىڭ ەكەۋى بالا.
وسىعان بايلانىستى ەۋرووداقتىڭ سىرتقى ىستەر مينيسترلەرى تاياۋ شىعىستاعى قاقتىعىستى تالقىلاۋ ءۇشىن جۋىق ارادا باس قوسپاق. وداقتىڭ سىرتقى ىستەر جانە قاۋىپسىزدىك جونىندەگى جوعارعى وكىلى جوزەپ بوررەلدىڭ ايتۋىنشا، شۇعىل كەزدەسۋدە 27 ەلدىڭ باس ديپلوماتتارى جانجالدى شەشۋدىڭ جولدارىن ىزدەستىرۋگە كۇش سالادى.
ەكى ەل اراسىندا باستالعان قاقتىعىس 10 مامىردان بەرى جالعاسىپ جاتىر. 12 مامىردا يزرايل گازا سەكتورىنا اۋەدەن شابۋىل جاساپ، حاماس توبىنىڭ كومانديرىن ءولتىردى. بۇعان جاۋاپ رەتىندە حاماس يزرايل تاراپىن راكەتامەن اتقىلادى. سونداي-اق يزرايل كوشەلەرىندە ەۆرەيلەر مەن يزرايلدىك ارابتار توبەلەسىپ، جانجالداسقان. بۇل ماسەلەدە يزرايل پرەمەرى بەنجامين نەتانياحۋمەن تەلەفون ارقىلى سويلەسكەن اقش پرەزيدەنتى دجو بايدەن حاماس توبىنىڭ راكەتا شابۋىلدارىن ايىپتاعان.
تاياۋ شىعىستاعى شيەلەنىس وتكەن ايدا ۋشىعا باستاعان. وعان يزرايل سوتىنىڭ يەرۋساليمدەگى شەيح-دجاراح اۋدانىنان پالەستينالىقتاردى كوشىرۋ تۋرالى شەشىمى سەبەپ بولدى. يزرايل 1967 جىلى تاياۋ شىعىستاعى سوعىستان سوڭ شىعىس يەرۋساليمدى باسىپ الىپ، استانامىز دەپ جاريالاعان. بىراق حالىقارالىق قاۋىمداستىق يەرۋساليمدى يزرايل استاناسى دەپ مويىندامادى. پالەستينالىقتار شىعىس يەرۋساليمدى ءوز جەرىمىز ءارى بولاشاقتا قۇرىلاتىن تاۋەلسىز ەلىمىزدىڭ استاناسى بولادى دەپ سانايدى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى