Jwmabek Kenjalin oquları ötti

Äl-Farabi atındağı Qazaq wlttıq universitetinde belgili ğalım, talanttı BAQ wyımdastıruşısı, jazuşı-publicist, sayasi ğılımdar kandidatı, wlağattı wstaz Jwmabek Omarwlı Kenjalindi eske aluğa arnalğan İ Kenjalin oquları ayasında «Qazaqstan qoğamındağı aqparattıq üderister: BAQ menedjmenti men marketingi jäne PR» attı halıqaralıq ğılımi-täjiribelik konferenciya ötti.

Atalmış şaranı YUNESKO, halıqaralıq jurnalistika jäne qoğamdıq media kafedrası wyımdastırdı. Osı kafedranıñ docenti qızmetin atqara jürip, J.O. Kenjalin äl-Farabi atındağı QazWU-da 2010-2014 jıldar aralığında PR, BAQ menedjmenti men marketingine baylanıstı birneşe halıqaralıq ğılımi-täjiribelik konferenciyalar wyımdastırıp,  ötkizdi. Praktik-ğalımnıñ QazWU oqu-ädistemelik Keñesiniñ şeşimimen basılğan «Sayasi menedjment jäne baspasözdiñ jwrtşılıqpen baylanıs mäseleleri» attı oqu qwralı, aqparattıq menedjment pen marketing salalarına baylanıstı zertteu maqalaları büginde jurnalistika fakul'teti studentteriniñ igiligine qızmet etude. J. Kenjalin atındağı «Baspasöz jäne jaña media» oqu-şığarmaşılıq zerthanası da bolaşaq mamandardı wlağattı wstazdıñ adaldığı men kisilik bolmısına say tärbieleu maqsatında aşıldı.

Konferenciyanıñ şımıldığın aşıp, plenarlıq mäjilisti jürgizgen QazWU Äleumettik damu jönindegi prorektordıñ mindetin atqaruşı Äliya Mäsälimova bwqaralıq aqparat qwraldarınıñ elimizdiñ äleumettik-ekonomikalıq, mädeni damuındağı orasan zor röline toqtalıp, Prezidenttiñ köptegen mäselege qozğau salıp, qalıñ el tarapınan qoldau tapqan «Halıq ünine qwlaq asatın memleket» attı Twjırımdaması jurnalisterdiñ aldına zor mindetter jüktep otırğandığın, qazaq qalamgerleriniñ qara şañırağı - Qazaq wlttıq universiteti de osı mindetter üdesinen şığudı maqsat twtatındığın ayttı. Prorektor öz sözinde Jurnalistika fakul'tetinen Dihan Äbilevten bastap wrpaqtar sabaqtastığı üzilmegen esimderi  el jadında jürgen   jurnalist, jazuşı, aqın, ğalım  memleket jäne qoğam qayratkerleri Quanış Swltanov, Sauıtbek Abdrahmanov, Mwhtar Qwl-Mwhammbet, Altınbek Särsenbaywlı, Darhan Mıñbay sındı ministrler, Jabal Erğaliev, Käribay Mwsırmanov, Meyrambek Tölepbergen, Nwrtöre Jüsip, Janarbek Äşimjan sındı deputattar şıqqandığın tilge tiek etti. Osınday aytulı tülekterdiñ işinde Jwmabek Omarwlı Kenjalinniñ esimi erekşe iltipatpen atalatındığın atay kelip: «Äl-Farabi atındağı Qazaq wlttıq universitetiniñ tañdaulı tülekteriniñ biri, universitetimizdiñ wlağattı wstazı bolğan sayasattanuşı-ğalım, qazaq jurnalistikasında, egemen memleketimizdiñ ädebi-mädeni ömirinde önegeli iz qaldırğan, aqparattıq mendjment sındı jaña ğılımi bağıttıñ negizin qalap, şäkirt tärbielegen mwnday twlğanı keyingi jastarğa önege ete otırıp, bolaşaq mamandardı tärbieleu - bizdiñ bastı parızımız», - dedi.

Aytulı şarağa jiberilgen QR Memlekettik  hatşısı Qırımbek Köşerbaevtiñ, Aqparat jäne qoğamdıq damu  ministri Aida Balaevanıñ, QR Sırtqı ister ministrligi halıqaralıq aqparat komitetiniñ törağası Asqar Abdrahmanovtıñ qwttıqtau-lebizderimen Jurnalistika fakul'tetiniñ dekanı Sağatbek Medeubek tanıstırsa, Pol'şa – Qazaqstan sauda önerkäsiptik Palatasınıñ Törağası Petr Guzovskiydiñ qwttıqtau hatın konferenciya qatısuşılarına kafedra professorı Jetpisbay Bekbolatwlı oqıp berdi.

Jwmabek Omarwlı Kenjalinniñ qısqa ğwmırında qaldırğan mol mwrası men atqarğan orasan isteri turalı fil'm köpşiliktiñ janarına jas üyiriltti.

QR Parlament Mäjilisiniñ deputatı Sauıtbek Abdrahmanov: «Tamırı tereñ oqu ornı äl-Farabi atındağı Qazaq wlttıq universiteti bolar eldiñ balasına jarasatın minez - asıldardı ardaqtau dästürin berik wstanıp otırğan universitet. Osı şaranıñ basında äl-Farabi atındağı QazWU-dıñ rektorı Tüymebaev Janseyittiñ twruı jas wrpaqtı elge qızmet etken twlğalardı wmıtpauğa tärbieleuiniñ körinisi. Konferenciyanıñ özi qara şañırağımızdıñ qasietin körsetip otır dep arnayı qadap aytqımız keledi», - dedi. «Jwmabek Kenjalin boyı da, oyı da taza, özi de, sözi de swlu, barlıq jağınan erekşe azamat edi. Är qırı birte-birte zerttelip aşıluı kerek, tarihi izdenisteri de nazardan tıs qalıs qalmauı tiis», - dep Jwmabek Kenjalinniñ tazalıq, tärbielilik, kişilik, kisilik wstanımdarına adal bolu arqılı öz boyındağı qasietterin ülgi etkendigin basa ayttı. Deputattıñ: «Mektep, kolledjden bastap universitetterde tärbie men bilimniñ egizdigi qağidası esten şığıp bara jatır. Eñ aldımen adamdıqqa, adaldıqqa tärbieley jürip, maman dayarlau qajet», - deui asa orındı. Deputat sözin universitet pen fakul'tetke jürekjardı alğısın bildire otırıp ayaqtadı.

QR Parlament Mäjilisiniñ deputatı Meyrambek Tölepbergen: «Jwmabek Kenjalin esimi qazaq baspasöziniñ bas redaktorlar mektebindegi üzdik ökilderdiñ biri. Onıñ adaldığı men tazalığı, mültkisiz qızmet atqaruı studentterge ülgi. Student bola jürip halıq deputattarı Almatı qalalıq Keñesiniñ deputattığına saylandı. Jasına qaramay töñiregine şapağatın şaşıp, sanalı ğwmır keşti. Boyındağı qazaq intelligenciyasına tän qasiet kez kelgen närseni aqıl-oyğa salıp, parasatpen jeñuine ıqpal etti. Qazaq qoğamına köşbasşılıq joldı körsetip, bärine qamqor, aqılşı bola bildi. Şoqtığı biik ister atqarıp, jwldızdı redaktorlamen iıq tirestirgen azamat edi», - dedi.  M. Tölepbergen öz sözin: «Aytulı twlğalardı qwrmettep, eñbegi men esimin mäñgi este qaldıru üşin wlttıq namısqa, wlttıq tärbiege bet bwrıp otırğan azamattarğa rahmet», - dep ayaqtadı.

QR Parlament Mäjilisiniñ deputatı Janarbek Äşimjan Jwmabek Kenjalinmen şığarmaşılıq saparlarda birge bolğan sätterde özi kuä bolğan azamattıq kelbetin tilge tiek etti. «Internet, äleumettik jeli joq kezde aqparat keñistiginiñ körigin qızdırğan patriot qayratker ağamız qazaq jurnalistikasınıñ klassikalıq ülgisin körsetti. Dästürli basılımdardıñ, tarihı tereñ jurnaldardıñ oqırmanı azayğan uaqıtta qolına alıp küldibadam dünielerdi jariyalamay, materialdarınıñ salmağın arttırıp, qayta jandandırdı. Bilim aluşılardıñ ğılımi jwmıstarın mwqiyat qaraytın ülken mädeniet iesi edi», - dey kele, äkesiniñ özine artıp ketken ğılımi, jurnalistik,  qayratkerlik jolındağı mwraların tügendep jürgen Jwmabek Kenjalinniñ wlı Dastan Kenjalinge alğıs ayttı. Universitettiñ, fakul'tettiñ elge qızmet etken twlğalardı wmıtpay, däriptep, zerthana, auditoriyalar aşıp, studentterge bilim berip jatqanına rizaşılıq bildirdi. «Jwmabek Kenjalin twlğasın tanu qızmetin birge jasayıq, aytulı twlğanıñ qazaq qoğamınıñ qayratkeri, patriotı retindegi jaña ğwmırı bastaldı. Jwmabek ağanıñ jurnalistikadağı sara jolı, mektebi, ilimi men bilimi bügingidey qwndılıqtar auısqan, jaña media kelgen kezeñde biraz uaqıtqa deyin bizge azıq boladı», - dedi.

Qalamger, «Twlğa» jurnalınıñ» bas redaktorı Marat Toqaşbaev  sözin J. Kenjalin şığarmaşılığına arnalıp, onı eske aluğa baylanıstı halıqaralıq konferenciya wyımdastırıp otırğan jurnalistika fakul'tetine alğıs bildire otırıp bastadı. «Bwl şara wlttıq mädenietimiz ben jurnalistikamızdıñ aqıldasatın alañına aynaladı», - degen senim bildirdi. «Jükeñniñ bükil şığarmaşılıq ömiri meniñ köz aldımda ötti. Adami qasietteri arqılı ağa twttıq, ülgi aluğa tırıstıq. 2018 jılı Jwmabek Omarwlınıñ qwrmetine jäne onı eske alu maqsatında jarıq körgen «Serke sözdiñ sardarı» kitabındağı aqtarılıp jazılğan pikirler arqılı Jükeñniñ özge de qırların tanıdım. Tekti azamat degen söz Jwmabek Kenjalinge arnalıp aytılğan siyaqtı», - dedi.

Osıdan keyin söz alğan professor Ömirhan Äbdimanwlı, aqın, QR Wlttıq Ğılım akademiyasınıñ akademigi Jaqıp Bauırjan, professor Temirhan Tebegenov, Ş.Uälihanov atındağı Tarih jäne etnologiya institutınıñ direktorınıñ keñesşisi Sayın Borbasov, qalamger, belgili sınşı Amangeldi Keñşilikwlı, H. Dosmwhamedov atındağı Atırau universitetiniñ kafedra meñgeruşisi Mänşük Mwqaşeva, belgili qalamgerler Samat Ibraimov, Şarhan Qazığwl, J. Kenjalin atındağı «Baspasöz jäne jaña media» oqu-şığarmaşılıq zerthanasınıñ jetekşisi Klara Qabılğazı Jwmabek Kenjalinniñ ömiri men şığarmaşılığı, qoğamdıq qızmeti turalı tebireniske tolı estelikterimen bölisti, adami bolmısın, el aldında jürgen köşbasşılıq qasietin, erekşe qabiletin, eñbekqorlığın, tektiligin, ziyalı, adal, bekzat, azamattıq twlğasın ayqara aştı.   Är pikir tıñ oylarmen örnekteldi.

Jwmabek Kenjalin oquların wyımdastırudağı bastı maqsat –tälim, tanım sabaqtastığın jalğastırıp, belgili ğalım, jazuşı-publicistiñ säuleli ğwmırı arqılı wrpaq boyına ülgi-önege siñiru, tarihi twlğa retinde däripteu. Bolaşaqta bwl şara dästürli türde jalğasın tabadı. Studentter arasında J. Kenjalin şığarmaşılığına arnalğan bayqau wyımdastıru qarımdı qalamgerdiñ, zeyindi zertteuşiniñ mwraların wmıttırmay, öskeleñ wrpaqqa keñinen tanıstırudı közdeydi.

Nazgül Şıñğısova

Filologiya ğılımdarınıñ doktorı,

Äl-Farabi at. QazWU professorı

YUNESKO, halıqaralıq jurnalistika

jäne qoğamdıq media kafedrasınıñ meñgeruşisi

"The Qazaq Times"