Azamattıq belsendi Maks Boqaev. Foto: TİREK al'yansı

Astananıñ Esil audandıq sotı atıraulıq belsendi Maks Boqaevtıñ saylau zañnamasına engen tüzetulerdi zañsız dep tanu turalı Qazaqstan prezidentine, parlament palatalarınıñ törağalarına qarsı talap-arızın keri qaytardı. Bwl turalı Azattıq radiosı habarladı.

26 säuirdegi wyğarımında Esil audandıq sotınıñ sud'yası Ayapbergenova Qazaqstan Konstituciyasınıñ 4-babınıñ 1-tarmağına, «Qwqıqtıq aktiler turalı» zañğa jäne Azamattıq is jürgizu kodeksiniñ 30-bölimine säykes sot «normativtik-qwqıqtıq aktiniñ zañdılığın tekseruge haqılı», al «zañnıñ [Konstituciyağa] säykestigin Konstituciyalıq keñes qarastıradı» degen uäjben talap-arızdı azamattıq is ayasında qaraudan bas tartıp, keri qaytaratının aytqan.

Sottıñ uäji boyınşa, prezidenttiñ missiyası – «memlekettiñ işki jäne sırtqı sayasatınıñ negizgi bağıttarın ayqındau, el işinde jäne halıqaralıq qatınasta Qazaqstan atınan ökildik etu». Sud'yanıñ aytuınşa, senat pen mäjilis törağalarınıñ äreketine qarsı bolu mümkin emes, «sebebi zañdar dauıs beru arqılı, wjımdıq jolmen qabıldanadı». Sondıqtan, prezidenttiñ, parlament senatı men mäjilisi törağalarınıñ äreketteri "sotta qarastıruğa jatpaydı».

Maks Boqaev pen belsendi Talğat Ayan 1995 jılğı konstituciyalıq zañğa özgertuler men tolıqtırular engizu turalı 2018 jılğı 29 mausımda qabıldanğan konstituciyalıq zañ «Qazaqstan Respublikası azamatınıñ qwqıqtarın, bostandıqtarı men zañdı müddelerin bwzadı, olardıñ azamattıq qwqıqtarın, azamattıq bostandıqtarın jäne zañdı müddelerin jüzege asıruına kedergi jasaydı dep tanudı» talap etip, prezident Toqaevtı, parlament senatınıñ törağası Äşimbaevtı jäne mäjilis törağası Nığmatulindi sotqa bergen.

Zañğa engizilgen tüzetuler boyınşa, Qazaqstandağı jergilikti uäkildik organ – mäslihat saylauına tek sayasi partiyağa müşe azamattar ğana qatısa aladı. Belsendilerdiñ pikirinşe, bwl tüzetuler «partiyağa kirmegen azamattardıñ mäslihatqa saylanu qwqığın şekteydi». Biıl qañtarda osı zañ negizinde saylau ötti.

1 säuirde Atırau sotı birneşe sebeppen, sonıñ işinde jauapkerler Toqaev, Äşimbaev, Nığmatulinniñ Nwr-Swltanda ekenin aytıp, talap-arızdı keri qaytarğan soñ belsendiler astana sotına qayta arızdanğan.

Azattıq radiosına bergen swhbatında Maks Boqaev «sot wyğarımın zañgerlerge jiberip, saraptama jasap jatqanın», oğan baylanıstı joğarı instanciya sotına apellyaciya beretinin habarladı. Onıñ aytuınşa, sottıñ bwl wyğarımında «qayşılıq bar».

Arızdanuşı eki belsendini sot 2016 jılğı küzde türme jazasına kesken. Sol jılı jer dauı twtanğanda Atırauda mıñdağan adam alañğa jinaluımen bastalğan narazılıq jalpıhalıqtıq sipat alıp, özge aymaqtarda jalğasqan. Halıq jerdi şeteldikterge jalğa beruge jappay qarsılıq bildirgennen keyin jer komissiyası qwrılğan, nätijesinde bilik şeteldikterge jalğa beruge uaqıtşa moratoriy engizgen edi. Eldiñ sanasın serpiltken mitingte közge tüsken atıraulıq belsendiler – Maks Boqaev pen Talğat Ayan sottaldı, ärqaysı bes jıldan arqaladı. Olarğa «äleumettik arazdıq tudırdı», «jalğan aqparat tarattı» jäne «miting ötkizu zañdarın bwzdı» degen ayıptar tağıldı. Sot 2018 jılı säuirde Ayannıñ ötinişi boyınşa onı qamaudan, keyinnen jazadan tolıqtay bosatqan. Maks Boqaev «qamaudan uaqıtınan bwrın şığuğa swranbaytının, özin tolıq aqtaudı talap etetinin» mälimdegen. Ol biıl ğana keybir bastı qwqıqtarı şektelip bosatıldı.

“The Qazaq Times”