Foto: cdni.rt.com

AQŞ äkimşiligi Düniejüzilik densaulıq wyımı men Qıtay ğalımdarı wsınğan koronavirus turalı bayandamanı «bastı mälimetterdi qamtımaytın, köptegen aqparattar qwpiya saqtalğan esep» dep sınğa aldı.

Aq üydiñ ökili Djen Psaki: «Bwl bayandamada aşıqtıq bayqalmaydı. Koronavirus turalı bastı swraqtarğa jauap taba almadıq. Qıtaydağı DDW missiyasına tosqauıl jasalğanı bilinedi. Sol sebepti biz bwl resmi bayandamadağı mälimetter şınayılıqtan alşaq dep sanaymız», – dedi.

Sonımen qatar, Djen Psakidiñ aytuınşa, DDW-nıñ jaña esebinde koronavirustıñ payda boluı turalı «bastı gipotezağa qosımşa qoldau joq».

Halıqaralıq sarapşılardıñ qañtar-aqpan aylarında ötken Qıtaydağı missiyasınan keyin COVID-19 virusınıñ şığu tegi turalı esebi jariyalandı. Biraq, mamandar birjaqtı qorıtındığa kele almadı. Jenevada jariyalanğan bayandamağa säykes, olar koronavirus januardan adamğa jwğuı mümkin deydi. SARS - CoV-2 virusınıñ Uhan'dağı zerthanadan şıqtı degen boljaldı scenariydi rastağan joq.

Al özge şeteldik sarapşılar men sınşılar DDW sarapşılarınıñ Uhan'ğa 27 kündik saparı kezinde Qıtay biligi olardıñ jwmısına birneşe ret kedergi keltirip, negizgi mälimetterdi jasırıp qaldı deydi. Qwjat sınşılarınıñ arasında AQŞ Memlekettik hatşısı Entoni Blinken de bar. Blinken jeksenbide CNN-ge bergen swhbatında: «Bayandamada taldanğan barlıq zertteu derekterin Qıtay ğalımdarı wsınğan. Olardıñ köpşiligi memleketke täueldi jäne byudjettik mekemelerde qızmet etedi. YAğni bwl esepti dayındau ädistemesi men procesine Beyjiñ qatısqan siyaqtı», – dedi.

Bwl mälimdemelen keyin Qıtay Sırtqı ister ministrligi «AQŞ Memlekettik departamenti bayandama avtorlarına sayasi qısım jasadı» dep ayıptadı.

"The Qazaq Times"