Jaqında ğana karantin şekteuleri jeñildey bastağan Germaniyada britandıq ştam deregi arttı. Handelshblat nemis basılımınıñ mälimetinşe, elde pandemiyanıñ üşinşi tolqını bastalğan.

Germaniya densaulıq saqtau ministrligi halıqtıñ 80%-ı vakcina qabıldağanda ğana koronavirustıq şekteuler alınatının mälimdedi.

DenMin Yens Şpan resmi mälimdemesinde: «Bügingi aqparat boyınşa Europalıq odaqtıñ keybir elderi AstraZeneca vakcinasın egudi toqtatıp qoydı. Biraq köp böligi osı ekpeni salıp jatır. Sebebi olar sarapşılar men tiisti organdardıñ wsınımdarı men qorıtındılarına senedi. Men tez tapsırılatın testilerdiñ qajettigin basa aytqım keledi. Bwl indetke qarsı küreste öte mañızdı qwral. Betperde tağu men araqaşıqtıq saqtaudıñ da mañızı erekşe», – dedi.

Ekinşi toqsanda nemis halqı 60 million doza saldıradı. Onıñ jartısı BioNTech jäne Pfizer preparatına tiesili. AstraZeneca vakcinasınan birqatar el bas tartıp otırsa da, Germaniya bwl ekpeniñ 17 million dozasın satıp almaqşı. Bilik atalğan preparattı jası 65-ten asqan twrğındarğa eguge rwqsat bergen. Bwğan deyin nemis eliniñ 6 million azamatı kovidten qorğaytın alğaşqı dozanı alğan. Al ekinşi dozanı äzirge 2 million 700 mıñday twrğın saldırdı.

"The Qazaq Times"