Foto: bitcryptonews

Pandemiyağa baylanıstı Italiyadağı jergilikti saylau keyinge qaldırıldı Ükimettiñ baspasöz qızmeti habarlağanday, 15 säuir men 15 mausım aralığında ötetin saylau qırküyekte Ministrler Keñesiniñ otırısında wyımdastırıladı.

«Bwl şeşim qazirgi epidemiologiyalıq jağdaydı eskere otırıp qabıldandı. Azamattardıñ densaulığı üşin qauipsizdik şaraların qatañ saqtauımız qajet», – delingen Ministrler Keñesi wsınğan qwjatta.

Küzge qaldırılğan jergilikti äkimşilik saylau birneşe qalada ötui kerek. Oğan 20 mln ital'yandıq qatısadı deen boljam bar. Bıltır pandemiya örşigen twsta Italiyadağı Parlament reforması men zañ şığaruşılar sanın azaytu turalı referendum sol jıldıñ qırküyegine şegerilgen.

Italiya prezidenti Serdjo Mattarella pandemiyamen küreste Konte ükimeti jibergen qatelikterden keyin elde parlamenttik saylau ötkizu turalı söz qozğağan. Nätijesinde aqpanda Mario Dragi bastağan sayasi koaliciya negizinde jaña ükimet qwrıldı. Eldegi dağdarıstıñ uşığuına sebepker «Italiya Viva» partiyasınıñ lideri, eks-prem'er Renci oppoziciyağa ötip, Kontege senim bildirmeytinin aytqan. Partiyanıñ bwl şeşimin dempartiya ökilderi sınğa alıp, eldegi sayasi dağdarıstıñ artuına sebepker retinde ayıptap otır.

"The Qazaq Times"