Körneki suret. Mäjilistiñ jalpı otırısınan. 10 qañtar 2021 jıl. Foto: www.parlam.kz

Särsenbi küni Mäjilis otırısında Qazaqstan halıq partiyasınıñ deputattarı ükimet basşısına deputattıq saual joldap, ana kapitalın engizudi wsındı.

Deputat Erlan Smayılovtıñ aytuınşa, elimizde ana men balanı qoldauğa arnalğan türli jobalar tiisti deñgeyde olardıñ ömir süru jağdayına äser etip otırğan joq. YUNISEF-tiñ zertteuine süyensek, elimizde balalardıñ 15,6%-ı twrmısı tömen otbasılardan, yağni bwl degenimiz bir million bala äleumettik jağınan az qamtılğanın körsetedi.

«Memleket bir närseni anıq tüsinui kerek, bügingi kedey balalar – ol erteñgi kedey memleket», – dedi ol.

Deputattardıñ wsınısı boyınşa äleumettik tölemderden endi adam kapitalın engizip, är balası bar otbasılarğa investiciya jasau kerek.

«Qazaqstanda är balağa 4,2 mln teñge mölşerinde memlekettik tölemdi ana kapitalı retinde bergen dwrıs. Bwl qarajattı är ana qajettiligine qaray baspana aluğa, balanıñ bilim aluına nemese zeynetaqı jinağına saluğa qwqılı boluı kerek», – dedi Smayılov.

Olardıñ aytuınşa, elimizde ana men balanıñ jağdayın jasauğa qarajat barınşa köp bölinse, kedeylik qana emes, balalar arasındağı aurular men zorlıq-zombılıq ta kemidi.

On künnen beri astana äkimdiginde narazılıq tanıtıp, tünep jürgen bir top ana otbası tabısına qaramay är balağa ay sayın 42,5 mıñ teñge memlekettik järdemaqı tağayındaluın talap etip keledi.

"The Qazaq Times"