Foto: gazeta.ru

Keşe Armeniya Qarulı küşteri prem'er-ministrdiñ otstavkasına talap etti. Äskerilerdiñ bwl äreketin töñkeris degen Nikol Paşinyan bügin «eldegi jağday baqılauda, qarulı küşter halıq pen ükimet basşısına bağınadı» dep mälimdedi.

Bwl jağdayğa Bas ştab basşısınıñ birinşi orınbasarınıñ qızmetinen bosatıluı sebep. Prem'er-ministr Paşinyannıñ joğarı lauazımdı qızmetkerdi ornınan ketiru turalı wsınısını Armeniya prezidenti Armen Sarkisan maqwldağan. Endi osığan baylanıstı qarulı küşter Nikol Paşinyanmen qosa ükimettiñ de otstavkağa ketuin talap etti. Biraq bilikten halıqqa qarsı küş qoldanbauın swradı.

Bas ştabtıñ talabına oppoziciyalıq «Otandı qwtqaru qozğalısı» qoldau bildirip, öz jaqtastarın Erevannıñ ortalığında mitingke şaqırdı. Qarulı küşterdiñ mälimdemede: «Bwl – Armeniyanıñ wlttıq jäne memlekettik müddelerin eskermey otırıp jasalğan qadam. Osınday kürdeli şaqta mwnday şeşim memleket müddesine qayşı, jauapsız qadam», – delingen.

Öz kezeginde Nikol Paşinyan otstavkağa ketpeytin mälimdep, bas ştab jetekşisi Onik Gaspariyandı ornınan aldı. Ol sonımen birge jaqtastarın el astanası Erevan ortalığına jinaluğa şaqırdı.

"The Qazaq Times"