Qazaq televiziyasınıñ ardageri Nwrtileu Imanğaliwlı. Foto: tengrinews.kz

Qazaq televiziyasınıñ ardager jurnalisi Nwrtileu Imanğaliwlı 70 jasqa qarağan şağında ömirden ötti.

Jurnalisti jaqın tanitın adamdar Azattıqqa onıñ auır sırqattan qaytıs bolğanın ayttı.

Nwrtileu Imanğaliwlı 1952 jılı Almatı oblısı, Aqsu audanı, Diñgek auılında düniege kelgen. Üydegi 14 balanıñ kenjesi. Atası Qaliasqar, bes jasında sauatın aşqan. Qazaqstan Jurnalister odağı sıylığınıñ eki märte laureatı, «Altın Jwldız» sıylığınıñ iegeri, QR mädenietine eñbegi siñgen qayratker, Qazaq Wlttıq Öner akademiyasınıñ kwrmetti professorı, Aqsu audanınıñ «Qwrmetti Azamatı».

Qazaq televiziyasında tilşi, redaktor, ağa redaktor, kommentator, bas redaktor, sayasi şoluşı, direktordıñ orınbasarı, «Habar» agenttiginde moderator-jürgizuşi, odan keyin Ükimet keñsesinde sektor meñgeruşisi, Prezident Äkimşiliginde bas maman bolıp istegen.

«Qazaqstan» RTRK» AQ Basqarma Törağası qızmetin atqarğan. Nwrtileu Imanğaliwlı telejurnalistikadan aynımağan twlğa. Ğwmırınıñ 45 jılın televiziyağa arnağan.

2006-2007 jıldarı – «Qazaqstan respublikalıq teleradiokorporaciyası» akcionerlik Qoğamınıñ Basqarma Törağası, odan keyingi jıldarı «Qazaqstan RTRK» AQ Basqarma törağasınıñ keñesşisi qızmetterin atqardı. Soñında izbasar şäkirtter tärbieledi.

"The Qazaq Times"