جۋرناليست نۇرتىلەۋ يمانعاليۇلى ومىردەن ءوتتى

قازاق تەلەۆيزياسىنىڭ ارداگەر ءجۋرناليسى نۇرتىلەۋ يمانعاليۇلى 70 جاسقا قاراعان شاعىندا ومىردەن ءوتتى.

ءجۋرناليستى جاقىن تانيتىن ادامدار ازاتتىققا ونىڭ اۋىر سىرقاتتان قايتىس بولعانىن ايتتى.

نۇرتىلەۋ يمانعاليۇلى 1952 جىلى الماتى وبلىسى، اقسۋ اۋدانى، دىڭگەك اۋىلىندا دۇنيەگە كەلگەن. ۇيدەگى 14 بالانىڭ كەنجەسى. اتاسى قالياسقار، بەس جاسىندا ساۋاتىن اشقان. قازاقستان جۋرناليستەر وداعى سىيلىعىنىڭ ەكى مارتە لاۋرەاتى، «التىن جۇلدىز» سىيلىعىنىڭ يەگەرى، قر مادەنيەتىنە ەڭبەگى سىڭگەن قايراتكەر، قازاق ۇلتتىق ونەر اكادەمياسىنىڭ كۇرمەتتى پروفەسسورى، اقسۋ اۋدانىنىڭ «قۇرمەتتى ازاماتى».

قازاق تەلەۆيزياسىندا ءتىلشى، رەداكتور، اعا رەداكتور، كوممەنتاتور، باس رەداكتور، ساياسي شولۋشى، ديرەكتوردىڭ ورىنباسارى، «حابار» اگەنتتىگىندە مودەراتور-جۇرگىزۋشى، ودان كەيىن ۇكىمەت كەڭسەسىندە سەكتور مەڭگەرۋشىسى، پرەزيدەنت اكىمشىلىگىندە باس مامان بولىپ ىستەگەن.

«قازاقستان» رترك» اق باسقارما توراعاسى قىزمەتىن اتقارعان. نۇرتىلەۋ يمانعاليۇلى تەلەجۋرناليستيكادان اينىماعان تۇلعا. عۇمىرىنىڭ 45 جىلىن تەلەۆيزياعا ارناعان.

2006-2007 جىلدارى – «قازاقستان رەسپۋبليكالىق تەلەراديوكورپوراتسياسى» اكتسيونەرلىك قوعامىنىڭ باسقارما توراعاسى، ودان كەيىنگى جىلدارى «قازاقستان رترك» اق باسقارما توراعاسىنىڭ كەڭەسشىسى قىزمەتتەرىن اتقاردى. سوڭىندا ءىزباسار شاكىرتتەر تاربيەلەدى.

"The Qazaq Times"