Foto: 365info.kz

AsiaCredit Bank-tiñ banktik jäne özge de operaciyalardı jäne bağalı qağazdar narığındağı qızmetti jürgizuge arnalğan licenziyasınan ayırıldı. Bwl turalı Qarjı narığın retteu jäne damıtu agenttigi habarladı.

Bank prudencialdıq normativterdi jäne saqtaluğa mindetti basqa da normalar men limitterdi jüyeli türde bwzu; arnayı bekitilgen şaralardı orındamau; qosımşa kapitaldandıru jönindegi uäkiletti organnıñ talaptarın orındamadı degen ayıptar tağılğan.

Qazir bankke uaqıtşa äkimşilik tağayındalıp, oğan barlıq basqaru organdarınıñ ökilettikteri ötti. Uaqıtşa äkimşiliktiñ basşısı retinde Qarjı narığın retteu agenttiginiñ qızmetkeri Erlan Särsenbekwlı tağayındaldı.

12 aqpannan bastap AsiaCredit Bank-tiñ barlıq operaciyaları toqtatıldı. Resmi habarlamada: «Banktiñ qarjılıq jağdayın jaqsartu jönindegi is-şaralar josparınıñ merzimi 2020 jılı 25 jeltoqsanda ayaqtaldı. Bank pen onıñ akcioneri qabıldağan şaralar banktiñ qarjılıq jağdayın twraqtandırğan joq. Bank prudencialdıq normativterdi bwzdı jäne bank klientteri aldındağı tölemder men audarımdar boyınşa mindettemelerdi orındamadı. Banktiñ qosımşa proviziyaların qalıptastıru üşin qajetti menşikti kapitaldıñ tapşılığı 19 mlrd teñge», – delingen.

AsiaCredit Bank ötimdi aktivteriniñ mölşeri 75 mln teñge, bwl rette orındalmağan klienttik tölemderdiñ mölşeri 8 mlrd teñgeden asadı.

1 aqpandağı jağday boyınşa AsiaCredit Bank-te jiıntıq qaldığı şamamen 19 mlrd teñge bolatın 23 174 jeke twlğanıñ depozitter bar. Salımşılardıñ, banktiñ jeke twlğalarınıñ 97,7% depozitteri «Qazaqstannıñ depozitterge kepildik beru qorı» AQ kepildigimen tolıq kölemde jabıladı.

2019 jıldıñ şildesinen bastap Bank biznesmen Orifdjon Şodievke ötti. Käsipkerge «Capital Bank» te tiesili. Qarjı instituttarı birikpek boldı, biraq bwl josparlar orındalmadı.

"The Qazaq Times"