Foto: dailystorm.ru

M'yanma äskeri küşteri 23 mıñnan astam twtqınğa keşirim jasalatının jariyaladı. Raqımşılıq 23 314 sottaluşığa, onıñ işinde 55 şeteldikke qatıstı.

M'yanma qarulı küşteriniñ bas qolbasşısı general Min Aun Hlain mälimdemesinde: «Bwl şeşim twtqındardı layıqtı azamattarğa aynaldırıp, qoğamdı damıtu üşin beybitşilik, damu jäne tärtip arqılı jaña demokratiyalıq memleket qwru maqsatında qabıldandı», – deydi.

1 aqpanda M'yanma äskerileri elde töñkeris jasap, biliktegi Aung San Su Çji men birneşe sayasatkerdi üyqamaqqa alğan. Äskeriler bıltır qaraşada ötken parlament saylauınıñ nätijesimen kelispegen edi. Bıltırğı saylauda Aung San Su Çji basqaratın Demokratiyaşılardıñ wlttıq ligası partiyası jeñimpaz dep tanılğan. Äskeriler saylau ädil ötpedi dep sanaydı.

Töñkeris jasağandar elde bir jıl tötenşe jağday jariyalap, bilik äsker basşısı Min Aung Hlaynnıñ qolına ötti. Äskeri töñkeriske qarsı şıqqandardıñ arasında mwğalimder, zañgerler, bank qızmetkerleri jäne memlekettik qızmetkerler, därigerler bar.

2017 jılğa deyin M'yanmanıñ Rakhayn ştatında bir million rohindja mwsılmandarı ömir sürgen. Biraq halqınıñ basım böligi budda dinin wstanatın M'yanma olardı zañsız immigranttar dep, azamattıq beruden bas tartqan. Rohindjalar wzaq jıldar boyı qısım körip kele jatqandarına birneşe ret şağımdanğan. 2017 jılı rohindja äskerileri Rakhayn ştatında birneşe şabuıl wyımdastırğan.

Sol jılı M'yanmanıñ Rakhayn ştatında äskeriler islam dinin wstanatın mıñdağan rohindjanı öltirgen. Aymaqtan 700 mıñnan astam rohindja M'yanmamen körşiles jatqan Bangladeşke qaşqan. El biligi Rakhayndağı äskerilerdiñ äreketin «el täuelsizdigine qauip töndiretin ekstremistermen küres» dep atadı. M'yanmanıñ bwl äreketi beybitşilik salası boyınşa Nobel' sıylığın alğan Aun San Su Çjidiñ de bedeline nwqsan keltirdi.

2019 jılı Afrikadağı Gambiya eli M'yanmanı «rohindja mwsılmandarına genocid jasadı» dep ayıptap, Gaagadağı sotqa şağımdandı. BWW Halıqaralıq tribunalı Ekinşi düniejüzilik soğıstan beri älemdegi üş oqiğanı – 1970 jılı Kambodjadağı memlekettik terrorizmdi, 1994 jılğı Ruandadağı oqiğanı, 1995 Bosniyadağı Srebrenica qırğının – genocid dep tanığan.

"The Qazaq Times"