Germaniya kancleri Angela Merkel'. Foto: www.belta.by

Germaniyadağı lokdaun qañtardıñ soñına deyin wzartıldı. Bwl şeşimdi Angela Merkel'diñ qatısuımen ötken otırısta eldiñ barlıq audan basşıları qoldağan.

Jiında mälimdeme jasağan Angela Merkel': «Nauqastardıñ sanın 100 mıñ adamğa şaqqanda 50-ge deyin azaytudı közdeymiz. Bwl öte mañızdı. Wlıbritaniyada mutaciyağa wşırağan virustıñ jaña ştamı tez tarap jatır. Sondıqtan jeltoqsan ayında jariyalanğan karantin qañtardıñ soñına deyin jalğasatın boladı», – deydi.

Jaña talaptarğa say eger bir aptanıñ işinde 100 mıñ adamğa şaqqanda 200 jaña nauqas anıqtalatın bolsa, twrğındar öz üylerinen 15 şaqırımnan alıs şığa almaydı. Al qauipti elderden kelgen azamattar 10 kün karantinde jatıp, keyin virustı anıqtaytın test tapsıruları kerek.

Germaniyadağı bar, meyramhana, mwrajay men basseynder äzirge jabıladı. Mektepter men balalaqşalar da äzirge aşılmaydı. Twrğındarğa tek bir ğana adammen kezdesuge rwqsat berildi.

Küni keşe Wlıbritaniya biligi de jappay oqşaulau rejimine köşken. Osığan baylanıstı mälimdeme jasağan Wlıbritaniya prem'er-ministri Boris Djonson: «Bir anığı vakcina tolıq egilmeyinşe, biz birige otırıp, äreket etuimiz kerek. Sondıqtan Angliyada jalpıwlttıq qatañ lokdaun jariyalauğa mäjbürmiz. Sol kezde ğana virustıñ jaña türin toqtata alamız», – deydi.

Prem'er-ministrdiñ pikirinşe, koronavirustıñ mutaciyağa wşırağan türi öte jıldam tarap keledi. Wlttıq densaulıq saqtau qızmeti nauqastarğa em-dom körsetip ülgermey jatır. Aldağı 21 kün işinde keybir aymaqtardağı auruhanalarda bos orındar bolmauı mümkin. Angliyada soñğı aptanıñ özinde emdelip jatqan nauqastardıñ sanı üş esege artqan. Bwl säuirde bolğan birinşi tolqınmen salıstırğanda 40 %-ğa köp. Qoğamdıq pikirdi zertteumen aynalısatın YouGov kompaniyasınıñ mälimetinşe, britaniyalıqtardıñ 79 %-ı jaña lokdaundı qoldaydı.

Qazir älemde virus jwqtırğandar sanı 86,4 millionğa jetti. 2 millionğa juıq adam dertten qaytıs bolğan.

"The Qazaq Times"