Körneki suret. Foto: https://cdn

Şveciya Reseydiñ Baltıq teñizi, Soltüstik Atlant jäne Arktika şeñberindegi äskeri belsendiliginiñ edäuir artuına jauap retinde auqımdı äskeri modernizaciyanı bastadı. Bwl turalı Skandinaviya eliniñ Qorğanıs ministri Piter Hul'tkvist Times basılımına mälimdedi.

Şved ministri: «Reseydiñ qorğanıs salası joğarı qarqınmen damıp jatır. Olar Murmanskide arktikalıq brigadası bar äskeri-teñiz bazasın salğan. Biz Reseydiñ Soltüstik Atlant mwhitındağı jattığular men operaciyalardı baqılap otırmız», – dedi. Ministrdiñ payımınşa, reseylik äskeri jattığulardıñ operaciyanıñ maqsatı – AQŞ pen Europa arasındağı baylanıstardı bwzu.

Qazanda Ükimettik koaliciya partiyaları (social-demokratiyalıq jäne qorşağan ortanı qorğau) Ortalıq partiyamen jäne liberaldarmen Şveciyanıñ qorğanıs strategiyası jobasınıñ ayasında qorğanıs qarajatın edäuir wlğaytu turalı kelisimge keldi.

Reseydiñ äskeri quatına tosqauıl bolu maqsatında Şveciya byudjet jobasın qarastırıp otır. Jospar boyınşa äskeri modernizaciyağa 2021-2025 jıldar aralığında 27,5 mlrd şved kronı ($3,11 mlrd) bölindi. YAğni äskeri saladağı qarjı kölemi 40% -ğa artadı.

2014-2025 jıldarı ösim 85% bolğan. Bwl – 1950 jıldardan bastap qorğanıstı qarjılandırudı wlğaytudıñ eñ ülken payızı. Qazir äskeri byudjettiñ mölşeri 6,4 milliard dollarğa teñ.

Parlamentke wsınılğan josparğa säykes, kelesi jılı Qarulı Küşterdi qayta qwru bastaluı kerek. Ol ayaqtalğannan keyin şamamen 2030 jılğa qaray jeke qwram sanı qazirgi 60 mıñ adamnan 90 mıñ adamğa deyin wlğayuı tiis. Osı mindetti iske asıru üşin merzimdi qızmetke şaqırılğandar sanı 2025 jıldan bastap 8 mıñ adamğa ösip, 2019 jılmen salıstırğanda eki ese köp boluı tiis.

Resey SİM resmi ökili Mariya Zaharova Şveciyanıñ bwl qadamın «Reseyge qarsı fobiyalar jäne NATO-nıñ Stokgol'mğa qısımınan» dep sanaydı. Resey Sırtqı ister ministrliginiñ bağalauı boyınşa, «Soltüstik Europa aymağındağı şielenisti odan arı uşıqtıradı».

Zaharova Soltüstik Europada äskeri modernizaciyanı qajet etetin qayşılıqtar men qaqtığıstar joq ekenin atap ötti. Sonımen birge, «Resey barlıq soltüstik europalıq seriktestermen qauipsizdik pen twraqtılıqtı nığaytu mäseleleri boyınşa aşıq dialogqa dayın».

"The Qazaq Times"