شۆەتسيا رەسەيدىڭ بالتىق تەڭىزى، سولتۇستىك اتلانت جانە اركتيكا شەڭبەرىندەگى اسكەري بەلسەندىلىگىنىڭ ەداۋىر ارتۋىنا جاۋاپ رەتىندە اۋقىمدى اسكەري مودەرنيزاتسيانى باستادى. بۇل تۋرالى سكانديناۆيا ەلىنىڭ قورعانىس ءمينيسترى پيتەر حۋلتكۆيست Times باسىلىمىنا مالىمدەدى.
شۆەد ءمينيسترى: «رەسەيدىڭ قورعانىس سالاسى جوعارى قارقىنمەن دامىپ جاتىر. ولار مۋرمانسكىدە اركتيكالىق بريگاداسى بار اسكەري-تەڭىز بازاسىن سالعان. ءبىز رەسەيدىڭ سولتۇستىك اتلانت مۇحيتىنداعى جاتتىعۋلار مەن وپەراتسيالاردى باقىلاپ وتىرمىز»، – دەدى. ءمينيستردىڭ پايىمىنشا، رەسەيلىك اسكەري جاتتىعۋلاردىڭ وپەراتسيانىڭ ماقساتى – اقش پەن ەۋروپا اراسىنداعى بايلانىستاردى بۇزۋ.
قازاندا ۇكىمەتتىك كواليتسيا پارتيالارى (سوتسيال-دەموكراتيالىق جانە قورشاعان ورتانى قورعاۋ) ورتالىق پارتيامەن جانە ليبەرالدارمەن شۆەتسيانىڭ قورعانىس ستراتەگياسى جوباسىنىڭ اياسىندا قورعانىس قاراجاتىن ەداۋىر ۇلعايتۋ تۋرالى كەلىسىمگە كەلدى.
رەسەيدىڭ اسكەري قۋاتىنا توسقاۋىل بولۋ ماقساتىندا شۆەتسيا بيۋدجەت جوباسىن قاراستىرىپ وتىر. جوسپار بويىنشا اسكەري مودەرنيزاتسياعا 2021-2025 جىلدار ارالىعىندا 27,5 ملرد شۆەد كرونى ($3,11 ملرد) ءبولىندى. ياعني اسكەري سالاداعى قارجى كولەمى 40% -عا ارتادى.
2014-2025 جىلدارى ءوسىم 85% بولعان. بۇل – 1950 جىلداردان باستاپ قورعانىستى قارجىلاندىرۋدى ۇلعايتۋدىڭ ەڭ ۇلكەن پايىزى. قازىر اسكەري بيۋدجەتتىڭ مولشەرى 6,4 ميلليارد دوللارعا تەڭ.
پارلامەنتكە ۇسىنىلعان جوسپارعا سايكەس، كەلەسى جىلى قارۋلى كۇشتەردى قايتا قۇرۋ باستالۋى كەرەك. ول اياقتالعاننان كەيىن شامامەن 2030 جىلعا قاراي جەكە قۇرام سانى قازىرگى 60 مىڭ ادامنان 90 مىڭ ادامعا دەيىن ۇلعايۋى ءتيىس. وسى مىندەتتى ىسكە اسىرۋ ءۇشىن مەرزىمدى قىزمەتكە شاقىرىلعاندار سانى 2025 جىلدان باستاپ 8 مىڭ ادامعا ءوسىپ، 2019 جىلمەن سالىستىرعاندا ەكى ەسە كوپ بولۋى ءتيىس.
رەسەي ءسىم رەسمي وكىلى ماريا زاحاروۆا شۆەتسيانىڭ بۇل قادامىن «رەسەيگە قارسى فوبيالار جانە ناتو-نىڭ ستوكگولمعا قىسىمىنان» دەپ سانايدى. رەسەي سىرتقى ىستەر مينيسترلىگىنىڭ باعالاۋى بويىنشا، «سولتۇستىك ەۋروپا ايماعىنداعى شيەلەنىستى ودان ارى ۋشىقتىرادى».
زاحاروۆا سولتۇستىك ەۋروپادا اسكەري مودەرنيزاتسيانى قاجەت ەتەتىن قايشىلىقتار مەن قاقتىعىستار جوق ەكەنىن اتاپ ءوتتى. سونىمەن بىرگە، «رەسەي بارلىق سولتۇستىك ەۋروپالىق سەرىكتەستەرمەن قاۋىپسىزدىك پەن تۇراقتىلىقتى نىعايتۋ ماسەلەلەرى بويىنشا اشىق ديالوگقا دايىن».
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى