Äzerbayjan Taulı Qarabaqtağı qarulı qaqtığıs kezinde qaza bolğan äskeriniñ sanın jariyaladı. Äzerbayjan qorğanıs ministrliginiñ mälimeti boyınşa, 44 künge sozılğan wrısta bwl ölkeniñ 2783 äskeri jäne oficeri mert bolğan. Bwl turalı Ortalıq Aziya jañalıqtar qızmeti jazdı.
Ministrlik soñğı wrıstı "Otan üşin soğıs" dep sipattap, 103 jauıngerdiñ süyegi DNK-analizi kömegimen anıqtalıp jatqanın habarladı. Sonımen birge jüzden astam jauınger iz-tüssiz joğalğanın jäne 1245 askerdiñ jaraqat alğanın mälimdedi.
Bir kün bwrın Armeniya biligi soğıs kezinde 2718 jauıngerdiñ denesin medicinalıq qızmetkerler qarap şıqqanın, olardıñ işinde äzerbayjan sarbazdarı boluı mümkin ekenin aytqan.
Biraq Äzerbayjan bwl san äbden azaytılıp berildi degen wstanımda. Bwğan Armeniyanıñ densaulıq saqtau ministri Arsen Torosyan jauap berip, bwl soñğı körsetkiş emes ekenin, qaza bolğandardıñ denesin izdestiru jwmısı jürip jatqanın habarladı.
Al Äzerbayjan prezidenti Ilham Aliev Şuşa qalasın alğan 8 qaraşa Jeñis küni retinde jariyalanatının mälimdegen.
Oğan deyin 10 qaraşanı Jeñis küni retinde atap ötu wsınılğan. Biraq bwl kün Äzerbayjannıñ eñ jaqın äriptesi Türkiyada Atatürikti eske alu künine däl kelgendikten bas tartqan.
Ukraina soğıs jağdayındağı basqaru modelin qayta qalıptastıruda: Budanov prezident keñsesine keldi
Yemen soğısınıñ jaña kezeñi: oñtüstiktegi qaqtığıs jäne aymaqtıq derjavalardıñ oyını
Qağazdağı pacienttiñ ömirdegi jağdayı: Ünsiz äri alpauıt epidemiyağa qarsı küreste qazaqstandıq ABB-nıñ qauqarı men kemşiligi
Almatıda jaña zamanaui kitaphana aşıldı
ŞAM teatrınıñ kinoeksperimenti: «№37» qoyılımı fil'mge aynaldı
Ertaev qayta qamalğan küz: Raqımşılıq «zañsızdıq järmeñkesine» aynaldı ma?